Karantın rejımi 31 mamyrǵa deıin uzartylady

3799
Adyrna.kz Telegram

Japonııada koronavırýsty juqtyrýdyń jańa oqıǵalarynyń sany azaıýyna qaramastan, karantın rejımi 31 mamyrǵa deıin uzartylady. Bul týraly Kyodo agenttigine silteme jasap QazAqparat habarlaıdy.

Agenttik málimetinshe, Japonııa premer-mınıstri Sındzo Abe tótenshe jaǵdaı rejımin uzartý týraly sheshimdi resmı túrde búgin qabyldaıdy. Elde medıınalyq kadrlar tapshy, al ekonomıkalyq belsendilik tómendeı túsken.

«Ótken aptada S.Abe karantınniń uzartylýyna qatysty sóz qozǵap, adamdardyń qalypty ómirge birden oralmaıtynyn qosyp ótti. Juma kúni úkimettik top COVID-19-dyń jańa oqıǵalarynyń kóbeıýine jol bermeý úshin tótenshe sharalardy uzartýdy keńes etti. Japonııanyń túrli prefektýralarynda koronavırýsqa shaldyǵý faktileriniń sany ártúrli bolǵandyqtan, úkimettiń ınfekııa az taralǵan prefektýralarda karantın rejımin álsiretý sheshimin qabyldaıtyny kútilýde», - delingen aqparatta.

Osy arada, elde saıabaq, kitaphana jáne murajaılardyń jumysyna sanıtarlyq talaptardy qatań túrde saqtaý shartymen ǵana ruqsat etilmek. 7 sáýirde premer-mınıstr S.Abe qalalyq aýdandar – Tokıo, Osaka jáne Fýkýokany qamtıtyn jeti prefektýrada tótenshe jaǵdaı jarııalady. Keıinirek,16 sáýirde, TJ rejımi búkil el boıynsha jarııalandy.

Úkimet basshysy vırýstyń el ekonomıkasyna keltirgen zardabyna baılanysty Japonııanyń 126 mıllıonǵa jýyq ár azamatyna 100 000 ıennen (930 dollar) berýge ýáde etti.

Búginde Japonııada koronavırýsqa shaldyǵýdyń 15 myńnan astam oqıǵasy tirkeldi. Qaıtys boldy 550-ge jýyq naýqas.

Pikirler