- TJM-niń búkil qutqarý korpýsy kúsheıtilgen rejımde daıyndyqta tur, onyń ishinde 3 000-nan astamy jedel den qoıýǵa ázirlikke keltirilip, qyzmet atqarýda. Bul órt sóndirý jáne avarııalyq-qutqarý jumystarynyń órt sóndirýshileri, jedel-qutqarý jasaqtarynyń qutqarýshylary, TJM áskerı bólimderiniń áskerı qyzmetshileri, qutqarý avıaııasynyń ushý quramy, seısmologtar, psıhologııalyq qyzmetterdiń ókilderi, dıspetcherlik qyzmetterdiń jedel kezekshileri, - delingen aqparda.
Munymen qosa, 1 200-ge jýyq qutqarý kólikteri, tehnıka da jedel qyzmetke daıar. Barlyq bólimshelerdegi qyzmetkerler men qutqarý quraldary, qurylǵylar tekserýden ótkizilgen. TJM azamattardy jańa jyldyq mereke kúnderi qaýipsizdik sharalaryn saqtaýǵa keńes beredi, qajet bolǵan jaǵdaıda 112 nómirine qońyraý shalýdy suraıdy.
"Adyrna" ulttyq portaly
