Qazaqstan men Qytai arasyndaǧy sauda ainalymyna qatysty statistikalyq aiyrmaşylyqtar bırneşe jyl boiy saqtalyp keledı, dep habarlaidy "Adyrna" ūlttyq portaly LS-ke sıltep
2025 jyly būl aiyrma būrynǧydan da artqan.
Statistikaǧa säikes, 2021 jyly ekı eldıŋ sauda körsetkışterı arasyndaǧy aiyrma şamamen 40% bolsa, 2025 jyly ol 43%-ǧa jettı.
Qytai kedenınıŋ mälımetterı boiynşa 2025 jyly Qazaqstanmen sauda ainalymy $48,7 mlrd boldy, al QR Memlekettık kırıster komitetı – $34,1 mlrd degen derek ūsynady. Aiyrmaşylyq $14,6 mlrd qūraidy.
Qazaqstannyŋ Qytaidan importynda eŋ ırı aiyrmaşylyqtar baiqalady.
2025 jyly Qytai derekterı boiynşa import $29,7 mlrd bolsa, Qazaqstan kedenınde būl körsetkış $18,9 mlrd dep tırkelgen. Būl şamamen 57% aiyrma, al absoliuttık mänı – $10,8 mlrd.
Qazaqstannyŋ Qytaiǧa eksportynda aiyrmaşylyqtar salystyrmaly türde az. 2025 jyly Qytai kedenınıŋ deregı boiynşa Qazaqstannan importtalǧan tauarlar $19 mlrd bolsa, Qazaqstannyŋ esebı boiynşa – $15,2 mlrd. Aiyrmaşylyq 25%, nemese $3,8 mlrd qūrady.
Mamandar sauda derekterındegı aiyrmaşylyqtardyŋ negızgı sebebı retınde är eldıŋ keden statistikasynyŋ esepteu ädıstemesınıŋ ärtürlılıgın atap körsetedı. İmportqa qatysty aiyrma eksportqa qaraǧanda edäuır joǧary.
