"Shermende kóńildiń sherin aıtqan aqyn". Qazirgi shyndyqty betke aıtqan jyraý qalyń qazaqty jylatty

3238
Adyrna.kz Telegram

Qazaq aqparattyq keńistiginde kıeli qobyzǵa ún qosyp, qazaqtyń qazirgi kórgen muń-muqtajyn, "Qańtar" oqıǵasynyń shyndyǵyn, alǵashqy Prezıdent Álıhan Bókeıhan ekendigin ashyq aıtqan jyraý Bóken Jiger qalyń kópshilikti selt etkizdi. Aqynyń ótkirdiń júzi, kesteniń bizi, mirdiń oǵyndaı tartysty, aryndy tirkesterin tyńdaǵan jurt kózine jas aldy. Tipti, aıtysker aqyn Rınat Zaıtovtyń kóńili bosady, dep habarlaıdy "Adyrna" ulttyq portaly habarlady. 

Qyzyljarlyq aqyn Bóken Jiger "Habar" arnasynda ótken "Asyl dombyra" baǵdarlamasynda kópshilikti eleń etkizdi. Minberden batyl sóz aıtyp, shyndyqty sóıledi. Efır barysynda eski sarynmen jańa Qazaqstannyń jaıyna qatysty:

"Jap-jańa Qazaqstanym,

Jaqsylyǵyńa jarshy edim.

Jaýyń kelse jalmańdap,

Jan-tánimmen qarsy edim.

Eı,..

Óıtkeni men keshegi atqan tańdy úreımenen qarsy alǵan,

Táýelsizdik dep jar salǵan.

Tuńǵysh Elbasym Álıhannan

Sorǵalap túsken tamshy edim...

Eı,...

Keshegi ótken Qańtarda,

Jazyqsyz ólgen jandardyń,

Artynda qalǵan oǵlany,

Zamanda zaman bolǵanda

Qanaty qatyp tolǵanda

Kegimdi kimnen alam dese,

Qaıtemin!?" - dep jyr órdi aqyn.

"Adyrna" ulttyq portaly

Pikirler