Qazaqstannyŋ energetikalyq infraqūrylymyndaǧy strategiialyq nysandar, sonyŋ ışınde Pavlodar mūnai-himiia zauyty erekşe baqylauda. Būl turaly Ükımettegı baspasöz mäslihatynda Energetika vise-ministrı Qaiyrhan Tūtqyşbaev mälımdedı, dep habarlaidy «Adyrna» tılşısı.
«Mūnai öŋdeu zauyttary men jylu elektr ortalyqtaryn qosa alǧanda, energetikalyq tızbektegı barlyq nysan strategiialyq obektılerge jatady jäne tūraqty küzetpen qamtamasyz etılgen. Qauıpsızdık şaralary būl nysandarda būrynnan tūraqty negızde jüzege asyrylyp keledı. Soŋǧy oqiǧalardy eskere otyryp, būl obektıler, eŋ aldymen, qauıpsızdıktı qamtamasyz etu tūrǧysynan erekşe baqylauǧa alyndy», — dedı vise-ministr.
Sondai-aq ol Reseidegı mūnai öŋdeu zauyttaryna jasalǧan soqqylardyŋ Qazaqstanǧa mūnai önımderın jetkızuge yqtimal äserı turaly pıkır bıldırdı. Onyŋ aituynşa, Reseiden negızınen dizel otyny men aviasiialyq otyn satyp alynǧan.
«Qazırgı taŋda qajettı balans qalyptastyrylǧan. Sonymen qatar mūnai önımderın jetkızudıŋ balama baǧyttary boiynşa jūmysty jalǧastyryp jatyrmyz», — dedı Tūtqyşbaev.
Būǧan deiın Energetika ministrlıgı Omby mūnai öŋdeu zauytyna jasalǧan şabuyldardyŋ Qazaqstannyŋ benzinmen qamtyluyna äser etpeitının habarlaǧan bolatyn. Vedomstvo mälımetınşe, otandyq mūnai öŋdeu zauyttary ştattyq rejimde jūmysyn jalǧastyryp jatyr. Sonymen qatar janarmaidyŋ şekara arqyly syrtqa şyǧaryluyna jol bermeu üşın qosymşa şekteuler engızılgen.
