Prezıdent Toqaev Parıj Olımpıadasynyń chempıony Eldos Smetovti jeńisimen quttyqtap, telefon arqyly tildesti, dep habarlaıdy “Adyrna” ulttyq portaly.
Memleket basshysy Qasym-Jomart Toqaev Eldos Smetovke telefon shalyp, ony Olımp shyńyn baǵyndyrýymen quttyqtady.
“Qazaqtyń rýhyn, jalpy halqymyzdyń myqty minezin kórsettiń. Bárimiz seni maqtan tutamyz. Sózińde turdyń, tamasha jeńiske jettiń, naǵyz jigitsiń! Sen sııaqty jigitterdiń arqasynda týymyz árqashanda asqaqtap, jelbireı bersin. Jańa jeńisterge jete ber. Saǵan jáne otbasyńa amanshylyq tileımin. Astanada kezdeskenshe!” – dedi Prezıdent.
Odan bólek Memleket basshysy sportshyny quttyqtap, H paraqshasynda jazba jarııalady.
“Dzıýdoshymyz Eldos Smetovti Parıjdegi Olımpıada oıyndarynda altyn medal jeńip alýymen quttyqtaımyn! Onyń sheberligi men qaısarlyǵynyń arqasynda Qazaqstannyń týy bıikte jelbiredi. Eldos myqty qarsylastarmen kúreste tórtjyldyqtyń basty dodalarynda top jaryp, álemniń úzdigi atandy. Sizdiń jeńisińiz – bizdiń búkil halqymyzdyń jeńisi!” – dep jazdy Prezıdent H paraqshasynda.
Aıta keteıik, Eldos Smetov 27 shildede Parıj Olımpıadasynyń alǵashqy kúnderinen-aq el qorjynyna altyn medal syılady.
