Otandyq naryqtaǵy keı dúkenderde Ýkraına jerin Reseı aımaǵy retinde "tápsirleıtin" globýs-karta satylyp jatyr. Bul týrasynda jýrnalıst Dınara Egeýbaeva habarlap, kartanyń sýretin áleýmettik jelige júktedi, dep habarlaıdy "Adyrna" ulttyq portaly.
Jýrnalıst Dınara Egeýbaeva tanymal ABDI Company jelisi, keńse taýarlary dúkenderiniń birinen globýs-kartanyń sýretin jarııalady.
Sýretten ańǵarǵanymyzdaı, Qyrym aımaǵy, Lýgansk pen Donek qalalary Reseı aımaǵy retinde aıǵaqtalǵan. Jýrnalıst óz sózinde kartanyń Reseı ónimi ekendigin, tipti, tutas tarıhtyń burmalap jazylyp jatqanyn aıtyp ótti. Mektep oqýlyqtarynyń ózinde Ýkraına memleketiniń qalyptasýy men aımaqtyq ataýlarǵa qatysty derekterdiń óńi aınaldyrylyp jazylyp, balalardyń sanasy ýlanyp jatyr. Avtor mundaı "soıqandyq" Qazaqstanǵa da kele me dep alańdaıdy.
- Mine, osylaı... Bizdiń bıliktiń kelisiminsiz jáne qazaqstandyqtarǵa óz qolymen ot kósetken okkýpaııa bizde de bastalyp ketti. Ázirge jerimizdi emes, oı-sanamyzdy basyp alyp jatyr. Onyń qaýpin joqqa shyǵara almaımyz, - deıdi Egeýbaeva.
Oraıy kelgende aıta keteıik, el prezıdenti Qasym-Jomart Toqaev 2022 jyly Peterborda ótken halyqaralyq ekonomıka forýmynda Qazaqstannyń ustanymyn aıqyndap, Lýgansk pen Donekiniń táýelsizdigin moıyndamaıtyndyǵyn habarlaǵan edi.
"Adyrna" ulttyq portaly
