Memlekettik qyzmet isteri agenttiginiń bastamasymen aýyldyq okrýg ákimderi arasynda «Úzdik aýyl ákimi» respýblıkalyq konkýrsy ótkizildi, dep habarlaıdy «Adyrna» tilshisi.
Konkýrstyń maqsaty — úzdik aýyl ákimderin anyqtaý jáne nasıhattaý.
Baıqaýǵa qatysý úshin elimizdiń túkpir-túkpirinen júzge jýyq aýyldyq okrýginiń ákimderi ótinim berdi. Oblystardyń arasynda Qostanaı oblysynan 14 ákim, Soltústik Qazaqstan oblysynan 12 ákim, Jambyl oblysynan 12 ákim konkýrsqa ótinim berip, belsendilik tanytty.
Konkýrs qorytyndysy boıynsha Túrkistan oblysy Shardara aýdany Jaýshyqum aýyldyq okrýginiń ákimi Nurseıtov Nurbaqyt Dáýletbekuly «Úzdik aýyl ákimi» ataǵyn ıelendi.
Ekinshi oryndy Pavlodar oblysy Ýspen aýdany Novopokrovsk aýyldyq okrýginiń ákimi Vıacheslav Nıkolaevıch Sımonenko, úshinshi oryndy Aqtóbe oblysy Shalqar aýdany Aıshýaq aýyldyq okrýginiń ákimi Oralbek Ábshanuly Ábshanov ıe boldy.
Sondaı-aq Shyǵys-Qazaqstan oblysy Ulan aýdany Ablaket aýyldyq okrýginiń ákimi Aglanbekov Aryslan Orynbasarovıch – «Úzdik sharýashyl ákim», Qaraǵandy oblysy Nura aýdany Barshyn aýyldyq okrýginiń ákimi Mýhanalıeva Zaýre Kazanbaevna – «Ashyq ákim», Soltústik-Qazaqstan oblysy Aqqaıyń aýdany Shaǵalaly aýyldyq okrýginiń ákimi Dobromırova Gýlmıra Orazbaevna – «Úzdik áleýmettik joba» nomınaııalarynyń ıegerleri atandy.
Baıqaý jeńimpazdary men nomınaııa ıegerleri Memlekettik qyzmet isteri agenttigi tóraǵasynyń qurmet gramotasymen marapattaldy.
