Áleýmettik jelide gazsyz otyrǵan halyqty malǵa teńegen aýyl ákiminiń beınejazbasy tarady, dep habarlaıdy “Adyrna” ulttyq portaly Ulysmedia.kz-ǵa siltep.
Jelidegi aqparatqa súıensek, vıdeodaǵy ákim – Batys Qazaqstan oblysy Báıterek aýdanyndaǵy Mahambet aýyldyq okrýginiń ákimi Beıbit Amanǵalıev. Beınejazbada tilshiler sheneýnikke gazsyz otyrǵan halyqtyń shaǵymyn jetkizgen. Alaıda bul saýalǵa ákim birden ashýǵa býlyǵyp jaýap bergen.
«Olar aıta beredi. Nege sender halyqty tyńdaısyńdar? Halyq qazir mal bop ketti ǵoı. Bilmeısińder me sony? Mynaý jumys istep jatqan bizdi tyńdamaısyńdar ma?», – deıdi ol.
Vıdeo halyqtyń ashýyn týǵyzýda. Tipti, onyń otstavkaǵa ketýin talap etip jatqandar bar.
