Ūlttyq qoǧamdyq senım keŋesınıŋ aiasynda sarapşylar Qazaqstan öŋırlerınde auyl äkımderın tıkelei sailauyn ötkızu barysyn talqylady, dep habarlaidy “Adyrna” ūlttyq portaly QazAqparatqa sılteme jasap.
Is-şaraǧa ŪQSK müşelerı, QR Parlament Mäjılısınıŋ deputattary, belgılı qazaqstandyq saiasattanuşylar men äleumettanuşylar qatysty.
Şarany QR Prezidentınıŋ kömekşısı, Ūlttyq keŋes hatşysy Erlan Qarin aşty.
«Reformalar men dialog - prezidenttık kurstyŋ negızgı baǧyttarynyŋ bırı. Mäselen, saiasi bastamalardy jüzege asyru aiasynda ǧana qazırgı taŋda 10 zaŋ qabyldandy. Olardyŋ ışınde aǧymdaǧy jyldyŋ mamyr aiynda Memleket basşysy «Qazaqstan Respublikasyndaǧy sailau turaly» QR Konstitusiialyq zaŋyna özgerıster men tolyqtyrular engızu turaly» QR Konstitusiialyq zaŋyna jäne «Qazaqstan Respublikasynyŋ keibır zaŋnamalyq aktılerıne sailau mäselelerı boiynşa özgerıster men tolyqtyrular engızu turaly» QR zaŋyna qol qoidy. Sonyŋ nätijesınde biylǧy jyldyŋ ekınşı jartyjyldyǧynan bastap respublika boiynşa 811 auyldyq okrugte äkımderdıŋ sailauy öttı. Sailanǧan äkımderdıŋ 86% saiasi partiialardyŋ ümıtkerlerı. Taǧy 14% özın-özı ūsynǧan ümıtkerler. Sonymen bırge, sailanǧan äkımderdıŋ jartysy (51%) sailauǧa deiın būl qyzmetterdı atqarmaǧan jaŋa adamdar» – dep atap öttı ol jiyn barysynda.ŪQSK jäne Prezidenttık jastar kadr rezervınıŋ bırlesken zertteu tobynyŋ jetekşısı Aleksandr Danilov 4 oblystyŋ (Pavlodar, Qostanai, Türkıstan jäne Şyǧys Qazaqstan) auyl äkımderınıŋ sailauy ötken auyldyq okrugterıne baru negızınde daiyndalǧan taldamalyq baiandamany ūsyndy. Baiandamada auyldaǧy tūrǧyndardyŋ negızgı tüitkıldı mäselelerı, auyl äkımderın tıkelei sailaudyŋ qysqaşa qorytyndylary jäne sailau nauqanynyŋ erekşelıkterı körsetılgen. Aleksandr Danilov öz sözınde auyldyq okrug äkımın tıkelei sailauyna bailanysty auyl tūrǧyndarynyŋ jalpy pıkırı jaqsy ekenıne nazar audardy. Zertteu barysynda ümıtkerlermen jürgızılgen sūhbattar nätijesı saiasi partiialar jūmysynyŋ jandanǧanyn, sondai-aq ümıtkerler uäjdemelerınıŋ jetkılıktı joǧary deŋgeiın, sailau nauqany mehanizmderı men taktikasyn jaqsy tüsıngenderın körsettı. Sonymen bırge, būdan būryn Maŋǧystau, Soltüstık Qazaqstan jäne Qaraǧandy oblystarynda ŪQSK müşelerınıŋ köşpelı otyrystary aiasynda auyl äkımderınıŋ tıkelei sailauyna daiyndyq barysy men auyldardy damytu mäselelerı talqylanǧan bolatyn. Mūrat Äbenov, Töleutai Raqymbekov, Marat Başimov jäne Maksim Rojin öŋırlerge barǧan saparlaryna qatysty öz baǧalarymen bölıstı. Sondai-aq, öŋırlerden kelgen ŪQSK müşelerı Läzzat Qojahmetova, Börıhan Nūrmūhamedov, Tattygül Talaeva, Uais Ersaiynūly jäne Aigül Orynbek jergılıktı jerlerde auyl äkımderın sailaudyŋ erekşelıkterıne toqtaldy. Talqylau qorytyndysy boiynşa sarapşylar auyl äkımderın tıkelei sailau tetıgın jetıldıru boiynşa bırqatar ūsynystar berdı. Ūlttyq qoǧamdyq senım keŋesınıŋ aldaǧy altynşy otyrysynda da auyl äkımderı sailauyn ötkızu boiynşa ūsynystar toptamasy ūsynylady.
”Adyrna” ūlttyq portaly
Ūqsas jaŋalyqtar
