"Qazaqstandaǧy barlyq adamdar qazaqşa erkın söilei bılse eken". Būl pıkırdı memlekettık tıldı erkın meŋgerıp, qazaq tılı onlain mektebınıŋ negızın qalaǧan tıl janaşyry Vladislav Ten özınıŋ feisbuk paraqşasynda qaldyrdy, dep jazady "Adyrna" ūlttyq portaly.
"Bızdıŋ ata-babalarymyz 1937 jyly deportasiiaǧa ūşyrap Qazaq jerıne erıksız kelıp tüskende qazaqtar olarmen soŋǧy nanymen bölısıp, ajaldan qūtqaryp, kömek bergenı üşın korei halqynan alǧys bıldıremın. Sol kezde qazaq halqy ata-babalarymyzǧa qol ūşyn bermegende men de, menıŋ köptegen tuys-tuystarym da būl düniege kelmes edık jäne osy alǧysymdy däl qazır jazyp otyrmas edım. Qazaq jerı koreiler üşın kielı ärı qasiettı jer bolyp tabylady. Men Özbekstanda tuǧanmyn. Menıŋ Otanym, tuǧan jerım - Özbekstan. Qazaqstanǧa ata-anamnyŋ jalǧyz ūly bolyp, osy jerde bırge tūraiyq degen şaqyruymen kelıp qazaq tılın bıluge degen qyzyǧuşylyǧym artyp bar yntammen oqyp üirene bastadym. Maǧan tek qana tıl emes, jalpy qazaq halqynyŋ özı, salt-dästürı ūnai bastady, maqaldaryn tüsıne bastadym. Sodan özıme: "Nege men qazaq tılın damytu üşın osynşa janymdy berıp jūmys jasap jatyrmyn?"- dep sūraq qoidym. Sol sūraǧyma özım jauap tapqan siiaqtymyn. Menıŋ oiymşa, Alla taǧala menı Qazaqstanǧa ata-babalarymnyŋ atynan alǧys aitu üşın jıbergen siiaqty. Sol qiyn kezde menıŋ ata-babama kömek bergen qazaq halqyna degen qūrmetımdı ärqaşan da alǧa qoiamyn. Qazaq halqynyŋ eŋ jaqsy qasietterınıŋ bırı būl osy jerde tūryp jatqan ärbır halyqty qūrmettei bıledı. Mysaly, bızdı, korei halqyn, ünemı “eŋbekkor “ dep ataidy. Būl bızdı joǧary baǧalai bılgenı dep eseptep, ärı qarai Qazaq jerı üşın, onyŋ jan-jaqty damuyna jan aiamai, eŋbek etuge daiynmyn. Sondyqtan öz basym qazır qazaq tılın damytuda jūmys ıstei bastadym. Al menıŋ maqsatym jäne armanym Qazaqstandaǧy barlyq adamdardyŋ qazaqşa erkın söilei bıluı!", - deidı qazaqstandyqtarǧa qazaq tılın üiretıp jürgen Vladislav Ten.
"Adyrna" ūlttyq portaly
Ūqsas jaŋalyqtar
