29 mamyr kúni Májilis depýtaty Gúldara Nurymova jalpytúrkilik toǵyzqumalaq zııatkerlik sportyna «toǵyzat» ortaq ataýyn berýdi usyndy, dep habarlaıdy “Adyrna” ulttyq portaly.
«Memleket basshysy bıyl elimizde ótetin aýqymdy sharanyń biri V Dúnıejúzilik kóshpendiler oıynyn joǵary deńgeıde sapaly uıymdastyrýdy tapsyrǵan bolatyn. Osyǵan oraı atalǵan oıyndy ótkizý qarsańynda asa mańyzdy bir másele bar. Toǵyzqumalaq zııatkerlik oıyny túrki halyqtarynyń ortaq ıgiligi, tarıhı qundylyǵy men aqyl-oı mádenıetiniń kórsetkishi ári ortaq jádigeri sanalady. Bul oıyn sońǵy jyldary damýdyń barynsha joǵary satysyna kóterilgenmen, álemdik aýqymda barynsha ornyǵýǵa keıbir kedergiler bar. Sonyń biri – toǵyzqumalaq sportynyń ataýy», — dedi Týrızm jáne sport mınıstri Ermek Marjyqpaevtyń atyna depýtattyq saýal joldaǵan Gúldara Nurymova.
Onyń atap ótýinshe, búginde bul oıynnyń negizgi eki ataýy ornyǵyp otyr: qazaqsha – toǵyzqumalaq, qyrǵyzsha – toǵyzkórgól.
Ishinara túrikshe mangala/gechıýrme atalady.
Qazaqstan tarapy halyqaralyq jarys ótkizgende oıynnyń aty «toǵyzqumalaq» atalady da, Qyrǵyzstan jaǵy jarys uıymdastyrǵanda bul oıyn «toǵyzkórgól» bolyp shyǵa keledi.
Osylaısha túrki halyqtarynyń bir oıyny álemdik arenada eki túrli atalyp keledi.
«Ǵalymdar men zertteýshilerdiń pikirinshe, bul oıynnyń jalpytúrkilik ataýy bar, ol – Toǵyzat. Etnograf G.Zagrıajskııdiń eńbeginen oıynnyń ataýy XIX ǵasyrda «Toǵyzat» atalǵany málim bolyp otyr. Toǵyzqumalaqtyń burynǵy ataýy «Toǵyzat» ekendigin bildiretin qaraqalpaq jáne qyrǵyz elderiniń oıyndarynyń ataýyn da kezdestirýge bolady. Osy derekterdi eskere otyryp, aldaǵy V-shi Dúnıejúzilik kóshpendiler oıynyna deıin jalpytúrkilik bul zııatkerlik sporttyń ataýyn ortaq nusqamen «Toǵyzat» ataýyn qalyptastyrý sharalaryn qolǵa alýdy usynamyz. Ol úshin Búkilálemdik etnosport konfederaııasy, QR Ulttyq sport qaýymdastyǵynyń, Dúnıejúzilik Toǵyzqumalaq federaııasynyń qatysýymen birikken sheshim qabyldaǵan durys bolady», — dedi Májilis depýtaty.
