Mäjılıs SMM mamanyn ızdeuge qatysty habarlandyru jariialap, onda orys tılın jetık meŋgergen ümıtkerlerge basymdyq berıletının körsetken. Būl talap äleumettık jelılerde qyzu talqyǧa tüsıp, qoǧam arasynda ülken rezonans tudyrdy, dep habarlaidy "Adyrna" ūlttyq portaly.
Jūrtşylyq memlekettık mekemenıŋ memlekettık tılge basymdyq bermeuın synǧa aldy, öitkenı Qazaqstan Respublikasynyŋ Konstitusiiasy boiynşa qazaq tılı – memlekettık tıl.
Jariialanǧan habarlandyruda bolaşaq qyzmetkerdıŋ Mäjılıstıŋ äleumettık jelılerın jürgızuı tiıs ekenı aitylǧan. Alaida talaptar qatarynda orys tılınde sauatty jazu mındettelgenımen, qazaq tılın bılu tek qosymşa artyqşylyq retınde körsetılgen.
"Kımdı kütemız? Osy salada kemınde 1 jyldyq täjıribesı bar; grafikalyq qosymşalarmen jäne SMM-nıŋ zamanaui qūraldarymen, sonyŋ ışınde neirojelılermen jūmys ıstei alatyn; orys tılınde sauatty jaza bıletın; qazaq tılın bıluı qosymşa artyqşylyq bolyp sanalatyn; analitikalyq qūraldarmen jūmys ıstep, Facebook pen Telegram-da jyljytu strategiiasyn jasai alatyn maman qajet" – dep jazylǧan edı.
Keiınnen būl habarlandyru jūmys ızdeu platformasynan öşırılgen. Qoǧam belsendılerı men jelı qoldanuşylary memlekettık tıldıŋ märtebesı eskerusız qalmauy tiıs ekenın alǧa tartyp, bilık ökılderınen būl mäselege naqty jauap berudı talap etude.
Ūqsas jaŋalyqtar
