Elordada ótken birinshi Ortalyq Azııa medıaforýmynyń «Medıa salasyndaǵy áıelder: azamattyq qoǵamdy damytýdaǵy genderlik teńdiktiń róli» paneldik sessııasynda QR Prezıdenti Ákimshiligi Basshysynyń orynbasary Aıda Balaeva medıadaǵy áıelderdiń orny týraly aıtyp, úkimettik emes uıymdar men memleket arasyndaǵy baılanysty nyǵaıtý qajettiligine toqtaldy, dep jazady "Adyrna" ulttyq portaly.
"Úkimettik emes uıymdardyń mıssııasy - qoǵamdaǵy kókeıkesti máselelerdi sheshý. Qoǵamdyq uıymdar men memlekettik organdardyń ózara tyǵyz qarym-qatynasy óte mańyzdy. Sol arqyly osy qoǵamdaǵy barlyq máseleler jan-jaqty ashylyp, onyń eń basty sheshý joldaryn izdeıdi. Memlekettiń de, qoǵamnyń da basty máselesi - ol adam quqyqtaryn saqtaý. Ár adamǵa kómek kórsetý. Biz tek qana medıaforýmdarda osyndaı máselelerdi ashyp emes, sheshý joldaryn izdeýimiz kerek. Ary qaraı sheshý joldaryn birlesip taýyp, joba uıymdastyryp, sol arqyly sheshýimiz qajet. Ortalyq Azııadaǵy genderlik máselelerge qatysty bárin birdeı desek, esh qatelespeımiz. Sondyqtan barlyq salada tikeleı ashyq dıalog kerek. Qarym-qatynasty nyǵaıtyp, birlese jumys isteýimiz kerek",- dedi Aıda Balaeva.
"Adyrna" ulttyq portaly
