Túrkimenstan prezıdenti Serdar Berdimuhamedov Astanaǵa keldi, dep habarlaıdy "Adyrna" ulttyq portaly QR Premer-Mınıstriniń baspasóz qyzmetine siltep.
«Astanaǵa Túrkimenstan prezıdenti Serdar Berdimuhamedov keldi. Túrkimenstan prezıdenti Serdar Berdimuhamedov Ortalyq Azııa memleketteri basshylarynyń VI Konsýltatıvtik kezdesýine qatysady. Túrkimenstan basshysyn Qazaqstannyń premer-mınıstri Oljas Bektenov qarsy aldy», - delingen juma kúni taraǵan habarlamada.
Qazaqstan men Túrkimenstan ózara is-qımyldyń barlyq spektri boıynsha saýda-ekonomıkalyq yntymaqtastyqty birtindep keńeıtip kele jatqany atap ótildi.
«Búgingi tańda yntymaqtastyqty arttyrýdyń perspektıvaly baǵyttary – gaz jáne tranzıttik-kólik salalary. Onda avtojoldardy rekonstrýkııalaý jáne salý boıynsha birqatar iri jobalar iske asyrylýda. Onyń ishinde uzyndyǵy 225 shaqyrym bolatyn «Qazaqstan shekarasy – Garabogaz – Túrikmenbashy» jańa avtojolynyń jáne Garabogazgol shyǵanaǵy arqyly ótetin jańa kópirdiń qurylysy bar. Uzyndyǵy 165 shaqyrym «Jańaózen – Túrkimenstan shekarasy» avtojol ýchaskesin rekonstrýkııalaý jobasy pysyqtalýda», - delingen habarlamada.
