Depýtat Dáýlet Muqaevtyń anasy ómirden ótti, dep habarlaıdy "Adyrna" ulttyq portaly.
Bul týraly jýrnalıst Dana Nurjigit áleýmettik jelidegi jazbasynda jarııalady.
"Dáýletjan, aınalaıyn! Keshe ǵana sóılesip, jaǵdaıyńdy bilip otyrǵan edim. Kúlekeńniń densaýlyǵy ońalyp kele jatyr ma dep,eń bolmasa jyltyraǵan úmit bar ma dep edim… qaıteıin?! Taǵdyr basqalaı boldy. Ersiń be, áıelsiń be, jassyń ba, kárisiń be, han bol, qara bol Ananyń orny bárinen bıik, bárinen bólek, bárinen erek.Kúlekeń men Tóleýtaı ákeńdi sonaý “kóshbasshyǵa” ózińe jankúıer bolyp stýdııaǵa kelip júrgen kezinen bilem ǵoı. Balasy úshin quraq ushqan ata-ana. Qudaı bergen ul-qyzyna bárin sarqyp bergen jankeshti adamdar. Qarapaıym qazaq. Kúlekeń meıirbıke, Tóleýtaı ákeı sol aýrýhanada usta. Eki balany jetkizip, Semeıden Astanaǵa kóship kelip, endi qulashyn keńge jaıyp, nemeresin meıirlene súıip otyratyn kezde… qap,qap!
Tókeńe qaıǵyryp kóńil aıtamyn! Jarasyp ómir súrgen jubynan qapyda aıyrylý jan azabynyń eń aýyry. Dáýke,Laýra, Arýka, týǵan-týys,dos baýyrǵa qaıǵyra kóńil aıtamyn! Sabyr…", – dep jazdy jýrnalıst.
Aıta keteıik, Dáýlet Muqaev VIII saılanǵan Parlament májilisiniń áleýmettik-mádenı damý komıtetiniń múshesi.
