Búgin Májilistegi Úkimet saǵatynda depýtat Edil Jańbyrshın mınıstr Baǵdat Mýsınge ótkir suraqtar qoıyp, sastyrdy. Bul týraly "Adyrna" ulttyq portaly jazady.
"Qurmetti, Baǵdat Batyrbekuly! Siz asyqpaı-aptyqpaı qysqa jáne nusqa jaýap berińiz. Bizdiń ýaqytymyzdy almańyz. Bul jerde eshkim oınap otyrǵan joq. Sondyqtan sizderge naqty suraq beredi, naqty jaýap bereńizder. Ne zat mynaý? Basyń bastaısyz, aıaǵy joq. Keldińizder me Parlamentke, durystap jaýap berińizder. Adamnyń basyn aınaldyrmańdar", - dedi depýtat.
Depýtattyń aıtýynsha, týrıstik nysandarda mobıldik baılanys joqtyń qasy.
"Bizde baılanysty qajet etetin nysandar bar. Mysaly týrıstik ınfroqurylymdar. Qazir ózińiz bilesiz. Bizdiń elimizde týrıstik potok kóp. Ondaı marshrýttarda vızıt-ortalyqtar salynyp jatyr. Ártúrli qoryqtar men ulttyq parkter bar. Ol jerge kóptegen adamdar barady. Al endi sol jerdegi másele ýshyǵyp tur. Nege men muny aıtyp otyrmyn? Bul kommerııalyq jaǵynan emes. Jalpy adamnyń qaýipsizdik máselesine baılanysty. Mashına buzylyp qalýy múmkin. Adam aýyryp qalýy múmkin. Ár túrli jaǵdaılar bolyp qalýy múmkin. Ol jerlerde bizde baılanys joq. Qazaqstan týrıstik ınfroqurylymyna baılanysty qandaı josparlaryńyz bar? Baılanyspen qalaı qamtamasyz eteıin dep otyrsyz? Qandaı qarajat esebine jáne qandaı tehnologııalar qoldanylady? Jaqynda siz Premer-mınıstrge baıandaǵan ulttyq jobada osy aıtylǵan máseleler qamtylǵan ba? Maǵan naqty aıtyńyz", - dep surady Edil Jańbyrshın mınıstrden.
Mınıstr depýtattyń suraqtaryna tolyq jaýap bere almaı, ábden sasty.
"Qamtylǵan. Týrıstik nysandar 2027 jylǵa deıin tolyǵymen ınternetpen qamtylatyn bolady. Ulttyq joba talqylanyp, bekitilse, qarajat bólinse, týrıstik nysandardyń barlyǵy da ınternetpen qamtamasyz etiletin bolady. Árbir jerde ártúrli tehnologııalar qoldanylatyn bolady. Kóbinese 4G tehnologııasy. Eger oǵan deıin optıka jelileri bara almaıtyn bolsa, spýtnıktik tehnologııalar qosatyn bolamyz. Bunyń kommerııalyq kózi bolmaǵandyqtan bul shyǵyndardyń barlyǵy bıýdjet esebeninen qarjylandyrylýy tıis", - dep qobaljydy mınıstr.
