«Amanat» partııasynyń depýtattary Samat Nurtaza men Juldyz Súleımenova Premer-Mınıstriniń orynbasary Tamara Dúısenovaǵa depýtattyq saýal joldady, dep habarlaıdy "Adyrna" tilshisi.
Depýtattar qazirgi tańda tehnıkalyq jáne kásiptik bilim berý júıesinde pedagogıkalyq kolledjderdiń jalpy jumys jasaý júıesine kóńili tolmaı, ádistemelerge bólek qoldaý kórsetý kerektigin aıtty.
"Ózińiz biletindeı bıyl qazaqtyń kórnekti jazýshysy, dramatýrg, pýblııst, qazaq ádebıetin qalyptastyrýshylardyń biri, ár muǵalim úlgi tutatyn Júsipbek Aımaýtovtyń 135 jyldyq mereı toıy atalyp ótpekshi. Alaıda, osyndaı ataýly jylda búgingi bilim berý salasynda aqaýlyqtar bar ekeni málim.
Osyǵan oraı, meniń depýtattyq saýalymda pedagog kadrlardy daıarlaýdy jetildirýge qatysty birneshe usynystarymdy aıtqym kelip otyr", - dedi depýtat.
Depýtattar bılikke jazbasha saýal joldap, jaýap kútetinin aıtty.
- Joǵarǵy oqý ornyna týystas mamandyqtarǵa qabyldaýǵa bilim berý grantyn kóbeıtý týraly.
- Tehnıkalyq jáne kásiptik bilim berý júıesindegi pedagog qyzmetkerleriniń mártebesin kóterý týraly.
- Pedagog kadrlardyń biliktiligin arttyrý kýrstary men taǵlymdamadan ótý týraly.
- «Tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2018 jylǵy 18 qazandaǵy № 578 buıryǵyna ózgeris engizý týraly.
