2023 jyl, 31 nauryzda Astana qalasyndaǧy №2 Saryarqa sotynda ırı käsıpker Qairat Boranbaevqa qatysty ükım şyqty, dep habarlaidy "Adyrna" ūlttyq portaly Zakon.kz-ke sılteme körsete otyryp.
Qazaqstannyŋ būrynǧy prezidentı Nūrsūltan Nazarbaevtyŋ ülken qyzy Dariǧa Nazarbaevanyŋ qūdasy, käsıpker Qairat Boranbaev 8 jylǧa sottaldy. Ol taǧylǧan aiypty moiyndamaǧan. Qairat Boranbaevtyŋ mülkı tärkılenıp, ömır boiyna memlekettık qyzmet atqaru qūqyǧynan aiyryldy. Sonymen qatar, segız jylǧa bas bostandyǧyna būǧau salyndy. Jaza merzımı ortaşa qauıpsızdıktegı tüzeu mekemesınde ötelmek.
Sonyman qatar, bırqatar marapattardan maqūrym qalatyn boldy.
"QR Qylmystyq kodeksı 58-babynyŋ 3-bölıgıne säikes Boranbaev, Nahanovtyŋ mülkın tärkılep, 8 jylǧa bas bostandyǧynan aiyru türındegı jaza taǧaiyndalsyn. Olar ömır boiy memlekettık qyzmette, sotta, jergılıktı özın-özı basqaru organdarynda, Ūlttyq bank pen oǧan qarasty vedomstvolarda, Qarjy naryǧyn retteu, baqylau jäne qadaǧalau jönındegı uäkılettı organda qyzmet atqaru qūqyǧynan airylsyn. Sonymen qatar, qarjy ūiymdarynda, memlekettık ūiymdarda, kvazimemlekettık sektor subektılerınde qyzmet etuge de tyiym salynady", - dedı sudia Nazgül Bapaqova.
"Prezidenttıŋ atyna memlekettık nagradalarynan aiyru turaly ūsynys engızılsın", - dep mälımdedı Astana qalasy Saryarqa audanynyŋ No2 audandyq sotynyŋ sudiasy Nazgül Bapaqova.2022 jylǧy 26 jeltoqsanda Qarjy monitoringı agenttıgı «AziiaGazChundja» JŞS qūryltaişylary Qairat Boranbaev pen Roman Nahanovqa, sondai-aq «Qazaq Gaz» AQ basqarma töraǧasynyŋ būrynǧy orynbasary Taiyr Janūzaqqa qatysty qylmystyq ıstı tergeudı aiaqtady. Sottaluşylar sūiytylǧan mūnai gazyn satyp alu jäne qylmystyq jolmen alynǧan aqşany zaŋdastyru kezınde 14,5 milliard teŋge jymqyrdy degen küdıkpen qūryqqa tüstı. Is boiynşa sot otyrysy Astanada 30 jeltoqsanda bastaldy. Sottalǧan Qairat Boranbaev pen «AziiaGazChundja» JŞS-nıŋ ekınşı qūryltaişysy Roman Nahanovqa senıp tapsyrylǧan mülıktı jymqyrdy jäne zaŋsyz aqşa men mülıktı zaŋdastyru, qylmysqa qatysy bar degen aiyptar taǧylyp otyr. 28 nauryzda prokuror Qairat Boranbaevty mülkın tärkıleumen bırge 8 jylǧa bas bostandyǧynan aiyrudy sūraǧan. Eske sala keteiık, Qaŋtar oqiǧasynan keiın Nazarbaevtyŋ tuystary jauapqa tartyla bastady. Sonyŋ ışınde būrynǧy prezidenttıŋ qūdasy Qairat Boranbaev 8 jylǧa sottaldy. Al Nūrsūltan Nazarbaevtyŋ nemere ınısı Qairat Satybaldy “Qazaqtelekom” AQ-nyŋ asa ırı kölemdegı qarjysyn jymqyru jäne qyzmetın asyra paidalanu faktısı boiynşa 6 jylǧa bas bostandyǧynan aiyryldy.
"Adyrna" ūlttyq portaly
Ūqsas jaŋalyqtar
