Qazaqstan Syrtqy ıster ministrınıŋ bırınşı orynbasary men AQŞ elşısı kezdestı, dep habarlaidy “Adyrna” ūlttyq portaly.
Syrtqy ıster ministrınıŋ bırınşı orynbasary Erjan Aşyqbaev AQŞ-tyŋ Qazaqstandaǧy jaŋadan taǧaiyndalǧan elşısı Djuli Stafftty qabyldady.
Kezdesu barysynda amerikalyq diplomat senım gramotasynyŋ köşırmesın tapsyrdy.
Taraptar Qazaqstan men AQŞ arasyndaǧy strategiialyq ärıptestıktıŋ qazırgı ahualy men ony odan ärı damytu baǧyttaryn talqylady. Sonymen qatar ekıjaqty yntymaqtastyqty keŋeituge qatysty özara pıkır almasty.
Kezdesu qorytyndysynda vise-ministr men elşı konstruktivtı ärı özara tiımdı jūmys jürgızuge daiyn ekenın bıldırıp, saiasi dialogty tūraqty negızde jalǧastyruǧa uaǧdalasty.
2025 jyly qazan aiynda ministrdıŋ bırınşı orynbasary bolyp taǧaiyndalǧanǧa deiın Erjan Aşyqbaev Qazaqstannyŋ AQŞ-taǧy Tötenşe jäne elşısı qyzmetın atqarǧan. Bırneşe jyl būryn AQŞ prezidentı Donald Tramptyŋ kömekşısı bolǧan Djuli Stafft hanym da osy eldıŋ Qazaqstandaǧy elşısı bolyp 2025 jyldyŋ qazan aiynda taǧaiyndalǧan edı.
