Käsıbi mereke qarsaŋynda Türkıstan oblysynda būqaralyq aqparat qūraldary salasynyŋ ökılderıne Memleket basşysy Qasym-Jomart Toqaevtyŋ atynan baspana kıltı tabystaldy.
Prezidenttıŋ tapsyrmasyna säikes, elımızde respublikalyq būqaralyq aqparat qūraldarynyŋ ǧana emes, öŋırlık jurnalisterdıŋ de äleumettık jaǧdaiyn jaqsartuǧa baǧyttalǧan bastama jüzege asyryluda. Osyǧan orai Türkıstan oblysynyŋ būqaralyq aqparat qūraldary salasynda eŋbek etıp jürgen azamattar jaŋa baspanaly boldy.
Saltanatty räsımde Türkıstan oblysynyŋ äkımı Nūralhan Köşerov Memleket basşysynyŋ atynan jaŋa päterlerdıŋ kıltın tabystap, jurnalisterdı käsıbi merekelerımen qūttyqtady.
Prezident tapsyrmasy aiasynda Türkıstan oblysynda baspanaǧa ie bolǧandardyŋ bırı – «24KZ» telearnasynyŋ Türkıstan oblysyndaǧy teleoperatory Erbolat Äbışov. Köp jyldyq aqparat salasyndaǧy eŋbegımen tanylǧan teleoperatorǧa Türkıstan qalasynan qajettı jihazben jabdyqtalǧan jaŋa päterdıŋ kıltı tabystaldy.
Erbolat Äbışov eŋbek jolyn 2000 jyly Qazyǧūrt audandyq telearnasynda bastap, keiın oblystyq jäne respublikalyq telearnalarda qyzmet atqardy. 2012 jyldan berı «Habar» agenttıgınıŋ Türkıstan oblysyndaǧy teleoperatory retınde el ömırındegı maŋyzdy oqiǧalardy käsıbi deŋgeide körermenge jetkızıp keledı. Onyŋ köpjyldyq täjıribesı men adal eŋbegı ärıptesterı arasynda joǧary baǧalanady.
Ekınşı baspana Sozaq audandyq qoǧamdyq-saiasi «Sozaq ünı» gazetınıŋ jauapty hatşysy Nūrsūltan Şertaevqa tabystaldy. Äl-Farabi atyndaǧy Qazaq ūlttyq universitetınıŋ jurnalistika fakultetınıŋ tülegı Nūrsūltan Şertaev 13 jyldan berı audandyq basylymda tabysty eŋbek etıp, öŋırdıŋ äleumettık-ekonomikalyq damuyn, qoǧamdyq ömırı men eldık bastamalardy tūraqty türde nasihattap keledı. Prezident bastamasy aiasynda ol tuǧan ölkesı – Sozaq audanynan baspanaly boldy.
Oblys äkımı Nūralhan Köşerov jurnalisterdı käsıbi merekelerımen qūttyqtap, Memleket basşysy būqaralyq aqparat qūraldary qyzmetkerlerınıŋ eŋbegın ärdaiym joǧary baǧalaitynyn atap öttı.
– Prezidentımız Qasym-Jomart Kemelūly Toqaev aqparat salasy qyzmetkerlerınıŋ eŋbegın ärdaiym joǧary baǧalap keledı. Bügın Memleket basşysynyŋ atynan özderıŋızge baspana kıltın tabystau – zor märtebe. Būl – jurnalisterdıŋ qoǧamdaǧy rölın aiqyndaityn, olardyŋ äleumettık jaǧdaiyn jaqsartuǧa baǧyttalǧan naqty qoldau. El igılıgı jolyndaǧy eŋbekterıŋız jemıstı bolyp, qalamdaryŋyz mūqalmasyn. Sızderge şyǧarmaşylyq tabys, otbasylaryŋyzǧa amandyq tıleimın, – dedı oblys äkımı.
Aita keteiık, Memleket basşysynyŋ bastamasymen soŋǧy jyldary būqaralyq aqparat qūraldary qyzmetkerlerın äleumettık qoldau şaralary jüielı türde jüzege asyrylyp keledı. Biyl alǧaş ret öŋırlık jurnalisterge de baspana beru turaly şeşım qabyldanuy – aqparat salasy mamandarynyŋ eŋbegıne körsetılgen zor qūrmettıŋ ärı memleket qamqorlyǧynyŋ aiqyn körınısı.
Būl bastama jurnalisterdıŋ äleumettık äl-auqatyn arttyrumen qatar, olardyŋ käsıbi qyzmetıne jaŋa serpın berıp, el damuy jolyndaǧy jauapty mındetterdı sapaly atqaruyna berık negız qalaidy.
