Almaty qalasy, Nurlytaý shaǵyn aýdanynyń aýmaǵynda salynyp jatqan kópqabatty turǵyn úı 13 jeltoqsan kúni sot oryndaýshylarynyń sheshimimen qıratyla bastady, dep habarlaıdy "Adyrna" ulttyq portaly.
Almaty ákimdiginiń habarlaýynsha, naýryz aıynda Qala qurylysyn baqylaý basqarmasy aýdan aýmaǵynda tekserý júrgizgen. Tosynnan tekserý barysynda zańdy belsheden basqandardyń áreketi áshkerelendi. Taý bókterindegi nysannyń zańsyz salynyp jatqany anyqtaldy. Keıinnen birden quqyq buzýshylyqty joıý týraly uıǵarym shyǵarylyp, nysan ıesi ákimshilik jaýapkershilikke tartyldy.
Bostandyq aýdanynyń soty nysandy buzýdy uıǵarsa da, nysan ıesi keri shaǵymdanyp, qarsylyq tanytqan. Keıingi sot otyrysynda qurylys nysanyn buzý jáne Bostandyq aýdany sotynyń úkimin ózgerissiz qaldyrý týraly sheshim qabyldandy. Qazir halyqtyń jerinde zańsyz boı kótergen ǵımarattyń irgesi sógitilip, qıratylyp jatyr.
"Adyrna" ulttyq portaly
