Jambyl oblysynyŋ Qūlan auylynda äskeri qyzmetker bırneşe äieldı soqqyǧa jyqty. Būl turaly Polisia.kz jariialady, dep habarlaidy “Adyrna” ūlttyq portaly.
Polisiia qyzmetkerlerınıŋ mälımetınşe, 12 jeltoqsanda T. Rysqūlov audandyq polisiia bölımıne äskeri kiımdegı belgısız er adamnyŋ Qūlan auylyndaǧy bırneşe üige kırıp, tūrǧyndarǧa dene jaraqatyn keltırgenı turaly habarlama tüsken.
“Anyqtalǧandai, er adam keşkı uaqytta aldymen üi aulasynda ornalasqan dükenge kırıp, 45 jastaǧy äieldıŋ betıne soqqy jasaǧan. Sodan soŋ osy köşede ornalasqan taǧy ekı päterge bölek kırıp, aldynan şyqqan 45 jäne 43 jastaǧy äielderdı ūryp-soqqan. Soŋǧy äieldıŋ üiındegı joldasy atalǧan er adamdy ūstap, polisiia qyzmetkerlerın şaqyrtqan. Şaqyrtu boiynşa şūǧyl jetken saqşylar 22 jastaǧy äskeri qyzmetşını polisiia bölımıne jetkızıp, tiıstı jedel ıs-şaralar jürgızdı”, - delıngen haarlamada.Atalǧan derek boiynşa Oŋtüstık öŋırlık äskeri tergeu basqarmasynyŋ Taraz qalasy boiynşa departamentımen QR QK-nıŋ 149-baby 2-babymen sotqa deiıngı tergeu amaldary bastaldy.
Ūqsas jaŋalyqtar
