Reseı prezıdenti Vladımır Pýtın alǵash ret Ýkraına kúshteriniń shabýylynan keıin Kýrski oblysyna bardy, dep habarlaıdy "Adyrna" ulttyq portaly Tengrinews.kz-ke silteme jasap.
Pýtın áskerı formada Kýrsk áskeriniń basqarý pýnktine baryp, Reseı qarýly kúshteriniń bas shtabynyń bastyǵy Valerıı Gerasımovpen kezdesti. Gerasımovtyń aıtýynsha, Kýrski oblysynda Ýkraına kúshteri qorshaýǵa alynǵan.
Reseı generalynyń málimetinshe, Reseı áskeri buryn Ýkraına kúshteri baqylaýynda bolǵan Kýrski oblysynyń 86 paıyzyn qaıtaryp aldy. Onyń sózinshe, Kıev Kýrski oblysynda strategııalyq pladarm qurýdy jáne Reseı áskeriniń nazaryn Donbastan burýdy kózdegen. Alaıda bul jospar sátsizdikke ushyraǵany aıtyldy.
Gerasımovtyń málimdeýinshe, Ýkraına áskeri bul óńirde 67 myńnan astam sarbazynan aıyryldy, al 400-den astam ýkraınalyq áskerı tutqynǵa tústi.
Reseılik ásker sońǵy bes kún ishinde 24 eldi meken men 259 sharshy shaqyrym aýmaqty baqylaýyna alǵan. Sonymen qatar, keıbir shekaralyq ýchaskelerde Reseı áskeriniń Sýmy oblysyna ótkenin aıtty.
Vladımır Pýtın kezdesýde 1949 jylǵy Jeneva konvenııasyn eske salyp, tutqyndarǵa gýmandyq kózqaras tanytý kerektigin, alaıda Kýrski oblysyndaǵy beıbit turǵyndarǵa qylmys jasaǵandardy terrorıster retinde qarastyrý qajettigin málimdedi. Ol sondaı-aq sheteldik jaldamaly sarbazdardyń Jeneva konvenııasyna sáıkes áskerı tutqyndarǵa qatysty erejelerge jatpaıtynyn atap ótti.
Aıta keteıik, bul joly kezdesýge Vladımır Pýtın alǵash ret áskerı kamýflıaj kıip keldi. Buǵan deıin ol áskerı keńesterde klassıkalyq kostıýmmen ǵana kórinetin.
