Jýrnalıst Mıhaıl Kozachkov jarııalaǵan áıel adamdy soqqan “Arman Shoraev” delingen vıdeoǵa Shoraev málimdeme jasady, dep habarlaıdy “Adyrna” ulttyq portaly.
Jelide Astana qalasynda er adamnyń áıeldi uryp-soqqan vıdeosy taraýda. Jýrnalıst Mıhaıl Kozachkov vıdeoda qoǵam qaıratkeri Arman Shoraev beınelengenin aıtyp, telegram arnasynda vıdeony jarııalady.
Jarııalanǵan vıdeoda er adamnyń áıeldi qalaı qaǵyp, kólikke otyrýyna kedergi keltirip, shashynan tartqany kórsetilgen.
Oqıǵa aldyńǵy túnde bolǵan degen boljam bar. Áıel aryz jazýdan bas tartty, dep atap ótti jýrnalıst.
Qoǵam qaıratkeri Arman Shoraev vıdeoda ózi emes ekenin aıtty.
«Munyń bári ótirik. Men eshqashan eshkimdi urǵan emespin. Bul Kozachkovqa tólenetin arandatýshylyq jáne qara pıar», — dep túsindirdi Shoraev.
Ol Mıhaıl Kozachkovtyń jasandy ıntellektiń qurbany bolǵanyn jáne oǵan qarsy aryz jazatynyn atap ótti.
Aıta keteıik, Qazaqstanda 2024 jyldyń 16 maýsymynda turmystyq zorlyq-zombylyq týraly zań kúshine endi. Endi uryp-soǵý jáne densaýlyqqa qasaqana jeńil zııan keltirý úshin qylmystyq jaýapkershilik ákimshilik emes, qylmystyq jaýapkershilikke tartylady. Aıyppul salynyp, qoǵamdyq jumystar jáne 50 táýlikke deıin qamaýǵa alynady.
