الەۋمەتتىك جەلىدە گازسىز وتىرعان حالىقتى مالعا تەڭەگەن اۋىل اكىمىنىڭ بەينەجازباسى تارادى، دەپ حابارلايدى “ادىرنا” ۇلتتىق پورتالى Ulysmedia.kz-عا سىلتەپ.
جەلىدەگى اقپاراتقا سۇيەنسەك، ۆيدەوداعى اكىم – باتىس قازاقستان وبلىسى بايتەرەك اۋدانىنداعى ماحامبەت اۋىلدىق وكرۋگىنىڭ اكىمى بەيبىت امانعاليەۆ. بەينەجازبادا تىلشىلەر شەنەۋنىككە گازسىز وتىرعان حالىقتىڭ شاعىمىن جەتكىزگەن. الايدا بۇل ساۋالعا اكىم بىردەن اشۋعا بۋلىعىپ جاۋاپ بەرگەن.
«ولار ايتا بەرەدى. نەگە سەندەر حالىقتى تىڭدايسىڭدار؟ حالىق قازىر مال بوپ كەتتى عوي. بىلمەيسىڭدەر مە سونى؟ مىناۋ جۇمىس ىستەپ جاتقان ءبىزدى تىڭدامايسىڭدار ما؟»، – دەيدى ول.
ۆيدەو حالىقتىڭ اشۋىن تۋعىزۋدا. ءتىپتى، ونىڭ وتستاۆكاعا كەتۋىن تالاپ ەتىپ جاتقاندار بار.
