Ashat Oralov aýyldyq jerdiń sportshylaryn daıarlaýǵa basa nazar aýdardy. Mınıstr legıonerler úshin emes, birinshi kezekte jergilikti jastarǵa jaǵdaı jasalýy kerek ekenin atap ótti. Bul týraly ol Túrkistan oblysyna jumys sapary kezinde málimdedi, dep habarlaıdy “Adyrna” ulttyq portaly.
Ashat Oralov oblys turǵyndary aldynda esep berý kezdesýin ótkizgen soń, azamattardy jeke qabyldady. Qoǵamdyq qabyldaýdan keıin eskek esý kanalynyń qurylys alańyna bardy. Munda sport nysandaryn salý josparlanyp otyr.
