Älemnıŋ bırınşı raketkasy Elena Rybakina Qazaqstan qūramasynyŋ sapynda Billi Djin King kubogınıŋ finaldyq kezeŋınde öner körsetpeidı. Tennisşı Sinsinnatidegı WTA 1000 turnirınde alǧan ahill sıŋırınıŋ jaraqatyna bailanysty em qabyldap, qalpyna kelu kezeŋınen ötedı. Būl turaly Tennis federasiiasynyŋ baspasöz qyzmetı habarlady, dep jazady "Adyrna".
Aqparatqa säikes, Rybakina aldaǧy uaqytta medisinalyq tekseruden ötedı. Jattyqtyruşylar ştabynyŋ baǧalauynşa, sportşyǧa tolyq qalpyna kelu üşın kemınde ekı apta qajet.
Osyǧan bailanysty tennisşı 23 qyrküiekte Qytaida bastalatyn Billi Djin King kubogınıŋ finalyna qatysa almaidy. Qazaqstan qūramasy şirek finalda İspaniia komandasymen kezdesedı. Ūlttyq qūrama būl kezeŋge Kanadadan basym tüskennen keiın joldama alǧan.
Rybakina jarysqa qatyspaǧanymen, Qazaqstanǧa kelıp, Astana men Almaty qalalarynda balalarǧa arnalǧan şeberlık sabaqtaryna qatysady. Tennisşınıŋ elge naqty qai künı keletını äzırge belgısız.
Aita keteiık, būl Rybakinanyŋ älemdık reitingte bırınşı orynǧa köterılgennen keiın Qazaqstanǧa alǧaşqy sapary bolmaq. Ol US Open turnirındegı jeŋısınen keiın WTA reitingınde köş bastady.
