Memleket basshysy Koreıa Respýblıkasynyń Prezıdentine kóńil aıtý jedelhatyn joldady. Bul týraly Qazaqstan Respýblıkasy Prezıdentiniń Baspasóz qyzmeti málimdedi, dep habarlaıdy “Adyrna” ulttyq portaly.
Qasym-Jomart Toqaev Koreıa Respýblıkasynyń Prezıdenti Iýn Sok Ëlge Seýlde bolǵan qaıǵyly oqıǵa saldarynan kóptegen adamnyń qaza tabýyna baılanysty kóńil aıtty.
“Seýl qalasynyń Itevon aýdanynda kóptegen adamnyń qaza tapqany jónindegi sýyt habardy tereń kúızelispen qabyldadym. Qazaqstan halqynyń jáne jeke ózimniń atymnan qaıtys bolǵandardyń jaqyndary men týystarynyń qaıǵylaryna ortaqtasyp, kóńil aıtamyn. Al jaraqat alǵandardyń tezirek saýyǵyp ketýine tilektestik bildiremin. Osyndaı aýyr sátte elimizdiń azamattary jáne ózim Koreıa halqynyń orny tolmas qaıǵysyn bólisip, olarmen birge ekenimizdi aıtqym keledi”, – dep jazylǵan jedelhatta.
