Brazılııa prezıdenti Jaır Bolsonarý blogermen qaqtyǵysyp, onyń uıaly telefonyn tartyp almaq boldy. Bul týraly Daily Mail basylymy málimdedi, dep habarlaıdy “Adyrna” ulttyq portaly.
Basylymnyń málimdeýinshe, Bolsonarý Brazılııa astanasyndaǵy prezıdent rezıdenııasy Palasıo da Alvorada mańynda jaqtastary aldynda sóz sóılegen. Osy kezde jergilikti bloger Vılker Leao kópshilikti ıterip ótip, saıasatkerge jaqyndaǵan. Leao telefonyna ózin vıdeoǵa túsirip, prezıdentke qaıta-qaıta aıǵaılap, ony "qorqaq", "jalqaý" jáne Kongresstegi "shoshqa bólshekteri" frakııasynyń "súıiktisi" dep ataǵan.
Bolsonarý aldymen kóligine otyrǵany, biraq keıin túsip, er adamdy kóılegi men bileginen ustap alyp, telefonyn almaq bolǵany aıtyldy. Nátıjesinde tártip saqshylary blogerdi súırep áketken.
"Muny túsirmeńizder! Bul onyń narazylyq bildirý quqyǵy, biraq ol ádepsizdik tanytty", - deıdi Brazılııa prezıdenti óz jaqtastaryna.
Oqıǵadan keıin Bolsonarý men Leao bes mınýt boıy kináni moıyndaý týraly mámileler, bıýdjet, salyq reformasy jáne qarýǵa ıelik etý týraly sóılesken, sodan keıin Brazılııa kóshbasshysy kóligine qaıtqan.
