Ekologııa jáne tabıǵı resýrstar mınıstri Erlan Nysanbaev Qazaqstanda jolbarystardy jersindirý josparlary týraly aıtty, - dep habarlaıdy "Adyrna" ulttyq portaly.
Ol 2015 jyly Dúnıejúzilik jabaıy tabıǵat qorymen reıntrodýkııalaý týraly tıisti qujatqa qol qoıylǵanyn eske saldy.
«Ol – Turan jolbarysy. Ile ózeniniń jaǵasyndaǵy ormanda jáne Balqash ózenine quıatyn jerdegi qamys ósetin alqapta turan jolbarysy bolǵan. Sońǵy jolbarys sol óńirde 1948 jyly mekendegen. Sondyqtan biz ker taǵyny (jabaıy jylqy – red.) alyp kelip, ondaǵy popýlıaııany qalpyna keltiremiz degen úlken baǵdarlamamyz bar. 2026 jyly ol 40 bas bolady. Endi jolbarystyń popýlıaııasyn qalpyna keltirý boıynsha 2024 jylǵy qyrkúıektiń sońyna deıin Nıderlandtan eki jolbarys alyp kelemiz. Bul Turan jolbarysy tuqymdas Amýr jolbarysy. Sebebi osy eki jolbarys qana sýyqqa tózimdi. Qalǵan jolbarystyń bári jyly jerde ómir súredi. Sondyqtan kelesi jyly Reseıden taǵy tórt jolbarysty ákelemiz. Osylaısha bizde bolǵan jolbarystyń popýlıaııasyn qalpyna keltirý máselesin sheshýge arnalǵan baǵdarlama bar, - dedi ekologııa mınıstri Erlan Nysanbaev.
Onyń aıtýynsha, bul jolbarystar haıýanattar baǵynda ustalatyn bolady.
«Olar shyǵarylmaıdy, biraq paıda bolǵan tólder tabıǵat jaǵdaıyna qaraı jersindiriletin bolady», - dep qosty mınıstr.
Eske sala ketekıik, 2021 jyly Qazaqstan prezıdenti Qasym-Jomart Toqaev jolbarysty qaıta jersindirý týraly aıtqan edi.
