Ekologiia jäne tabiǧi resurstar ministrı Erlan Nysanbaev Qazaqstanda jolbarystardy jersındıru josparlary turaly aitty, - dep habarlaidy "Adyrna" ūlttyq portaly.
Ol 2015 jyly Düniejüzılık jabaiy tabiǧat qorymen reintroduksiialau turaly tiıstı qūjatqa qol qoiylǧanyn eske saldy.
«Ol – Tūran jolbarysy. Ile özenınıŋ jaǧasyndaǧy ormanda jäne Balqaş özenıne qūiatyn jerdegı qamys ösetın alqapta tūran jolbarysy bolǧan. Soŋǧy jolbarys sol öŋırde 1948 jyly mekendegen. Sondyqtan bız ker taǧyny (jabaiy jylqy – red.) alyp kelıp, ondaǧy populiasiiany qalpyna keltıremız degen ülken baǧdarlamamyz bar. 2026 jyly ol 40 bas bolady. Endı jolbarystyŋ populiasiiasyn qalpyna keltıru boiynşa 2024 jylǧy qyrküiektıŋ soŋyna deiın Niderlandtan ekı jolbarys alyp kelemız. Būl Tūran jolbarysy tūqymdas Amur jolbarysy. Sebebı osy ekı jolbarys qana suyqqa tözımdı. Qalǧan jolbarystyŋ bärı jyly jerde ömır süredı. Sondyqtan kelesı jyly Reseiden taǧy tört jolbarysty äkelemız. Osylaişa bızde bolǧan jolbarystyŋ populiasiiasyn qalpyna keltıru mäselesın şeşuge arnalǧan baǧdarlama bar, - dedı ekologiia ministrı Erlan Nysanbaev.
Onyŋ aituynşa, būl jolbarystar haiuanattar baǧynda ūstalatyn bolady.
«Olar şyǧarylmaidy, bıraq paida bolǧan tölder tabiǧat jaǧdaiyna qarai jersındırıletın bolady», - dep qosty ministr.
Eske sala ketekiık, 2021 jyly Qazaqstan prezidentı Qasym-Jomart Toqaev jolbarysty qaita jersındıru turaly aitqan edı.
Ūqsas jaŋalyqtar
