Ońtústik Koreıa parlamenti 2024 jyly jeltoqsanda ımpıchment jarııalaǵan Koreıa Respýblıkasynyń premer-mınıstri Han Dok Sý eldiń Konstıtýııalyq sotynyń sheshimimen qyzmetine qaıta oraldy. Bul týraly 24 naýryzda Yonhap agenttigi jarııalady, dep habarlaıdy “Adyrna” ulttyq portaly.
Aqparatqa sáıkes, Han Dok Sý qaıtadan Ońtústik Koreıa prezıdentiniń mindetin atqarýshy bolyp, elde áskerı jaǵdaı engizýge áreket jasaǵannan keıin prezıdenttik laýazymynan bosatylǵan Iýn Sok Ioldiń ornyna keldi.
Ońtústik Koreıa prezıdentiniń keńsesi Konstıtýııalyq sottyń sheshimin quptap, onyń parlamenttiń óz ókilettikterin asyra paıdalanǵanyn kórsetti dep málimdedi. Han Dok Sý óziniń prezıdenttik mindetterine qaıta oralyp, saýda sııaqty mańyzdy máselelermen aınalysýǵa ýáde berdi, dep habarlaıdy Reuters agenttigi.
2024 jylǵy 3 jeltoqsanda Ońtústik Koreıa prezıdenti Iýn Sok Iol elde áskerı jaǵdaı engiziletinin jarııalady, bul sheshimdi ol «oppozıııanyń memleketke qarsy áreketterimen» túsindirdi. Biraq el parlamenti bul sheshimdi maquldaýdan bas tartyp, kelesi kúni memleket basshysy bul sheshimin keri qaıtardy. 14 jeltoqsan kúni parlament Iýnǵa ımpıchment jarııalady.
Osydan keıin, el Konstıtýııasyna sáıkes, prezıdenttiń mindetin ýaqytsha atqarýshy úkimet basshysy Han Dok Sý boldy. Biraq 27 jeltoqsanda parlament oǵan da ımpıchment jarııalady. Bul sheshimniń sebebi – Hannyń Konstıtýııalyq sotqa Iýnnyń shettetilgenin resmı túrde bekitý úshin taǵy úsh sýdıa taǵaıyndaýdan bas tartýy boldy.
Sodan keıin el prezıdentiniń mindetin ýaqytsha Qarjy mınıstri jáne premer-mınıstrdiń orynbasary Chhve San Mok atqardy.
Qýylǵan prezıdent kóteriliske jetekshilik etti jáne bılikti asyra paıdalandy degen aıyptarmen tergeldi. Ol úsh ret kúdikti retinde jaýap alýǵa kelmegen soń, sot ony qamaýǵa alý týraly sankııa berdi. Qańtardyń 15-i kúni kúzetshilerdiń qarsylyq kórsetý áreketine qaramastan Iýn rezıdenııasynda qamaýǵa alyndy. Prezıdent qamaýǵa alynǵannan keıin Seýlde tártipsizdikter bastaldy.
7 naýryzda Seýldiń Ortalyq aýdandyq soty Iýn Sok Ioldiń qorǵaýshysynyń ótinishin qanaǵattandyryp, onyń tutqyndalǵan orderin joıdy. Kelesi kúni 64 jastaǵy saıasatker qamaýdan bosatyldy. Degenmen, ol áli de tergeýde.
Iýnǵa qarsy kóterilis uıymdastyrǵany úshin taǵylǵan aıyptardyń soty 14 sáýirde bastalady, dep habarlaıdy Reuters.
