Ákimder budan bylaı «AMANAT» partııasynda laýazym ıelenbeıdi

2431
Adyrna.kz Telegram

«AMANAT»-tyń óńirlik jáne aýmaqtyq fılıaldarynda partııalyq konferenııalar ótti. Kún tártibinde óńirlik fılıaldardyń 2022 jylǵy 10 aıdaǵy jumysyn qorytyndylaý, sondaı-aq ákimderdi fılıal tóraǵasy qyzmetinen bosatý máseleleri qaraldy.

Bıyl naýryzda Memleket basshysy Qasym-Jomart Toqaev Qazaqstan halqyna Joldaýynda ákimder men olardyń orynbasarlaryna partııa fılıaldarynda laýazym ıelenýge zań júzinde tyıym salý qajet ekenin málimdedi. Qarashanyń basynda zańnamalyq aktilerge tıisti túzetýler engizildi.

Konferenııa qorytyndysy boıynsha, barlyq deńgeıdegi ákimder budan bylaı «AMANAT» partııasynyń oblystyq, qalalyq jáne aýdandyq fılıaldarynyń tóraǵasy laýazymyn atqarmaıdy. Partııanyń tıisti fılıaldaryndaǵy Saıası keńes Bıýrosy men Saıası keńesteriniń quramyna kirmeıdi.

«Bul shara el Prezıdenti Qasym-Jomart Toqaev jarııalaǵan saıası reformalar baǵytyn iske asyrýdyń qısyndy jalǵasy sanalady. Bul qadam partııalyq básekelestikke serpin beretinine senimdimiz.  Ásirese, Májilis pen barlyq deńgeıdegi máslıhattarda ótetin aldaǵy saılaý aıasynda bul sheshim óte ózekti», - dep atap ótti «AMANAT» partııasynyń Atqarýshy hatshysy Ashat Oralov.

Pikirler