Mäjılıstegı VIII şaqyrylymynyŋ III sessiiasynda atqarylǧan jūmys bügın «AMANAT» partiiasy fraksiiasynyŋ jiynynda qorytyndylandy. Deputattar «Halyqpen bırge!» sailaualdy baǧdarlamasynyŋ jüzege asyrylu barysyn, sondai-aq halyq qalaulylarynyŋ sailauşylarmen kezdesu maqsatyndaǧy öŋırlerge aldaǧy saparyna daiyndyq mäselelerın talqylady.
Mäjılıs Spikerı, «AMANAT» partiiasynyŋ Töraǧasy Erlan Qoşanov atap ötkendei, ötken sessiiada fraksiia müşelerı 62 zaŋǧa bastamaşylyq ettı. VIII şaqyrylymda zaŋ jobalaryna barlyǧy 5300-den astam özgertuler men tüzetuler engızıldı. Mäjılıstıŋ jalpy otyrystarynda 626 deputattyq saual joldandy. Būdan bölek, biudjettı ärbır bekıtu kezınde deputattar öŋırlerde infraqūrylymdyq jobalardy jüzege asyru üşın 1,5 trillion teŋgege deiın tüzetuler engızıluıne qol jetkızdı. Osylaişa, naqty sailaualdy uädeler qarjymen qamtamasyz etılude.
«AMANAT» partiiasy Ädılettı Qazaqstandy qūru jolyndaǧy reformalardy jüielı jüzege asyruda. Osy üşın bız Memleket basşysynyŋ bastamalaryna zaŋnamalyq qoldau körsetıp kelemız. Onyŋ barlyǧy ekonomika ösımın qamtamasyz etuge jäne qazaqstandyqtardyŋ äl-auqatyn jaqsartuǧa baǧyttalǧan. Jalpy, Mäjılıste qabyldanǧan ärbır zaŋ «AMANAT» fraksiiasy deputattarynyŋ belsendı atsalysuymen äzırlendı deuge bolady», – dedı ol.
Mäjılıs Spikerı deputattar zaŋ şyǧaru jūmysy barysynda memlekettıŋ halyq aldyndaǧy äleumettık mındettemelerın oryndauyna, onyŋ ışınde auyldardy auyz sumen qamtamasyz etu, äleumettık medisinalyq saqtandyru jüiesın reformalau, tūrǧyn üi qatynasyn jetıldıruge basa nazar audarǧanyn atap öttı. Būǧan qosa, jaŋadan Biudjet, Su jäne Salyq kodeksterı qabyldandy.
Erlan Qoşanov azamattardyŋ naqty mäselelerın şeşuge baǧyttalǧan partiialyq jobalardy jüzege asyruǧa erekşe nazar audardy. Atap aitqanda, «Jer amanaty» komissiiasy 12,5 million gektar jerdı memleket menşıgıne qaitardy. Qaryz qamytyn kigen 500 myŋnan astam adamǧa «Qaryzsyz qoǧam» jobasy aiasynda kömek körsetıldı. Memleket basşysynyŋ tapsyrmasy boiynşa, būl joba jalpyūlttyq sipatqa ie boldy. 2000-ǧa juyq äkım «Äkımder mektebı» arnaiy jobasy aiasynda oqudan öttı. Partiianyŋ osy jäne özge de bastamalary qoǧamda keŋ qoldau tapty. Partiia Töraǧasy atap ötkendei, deputattar mūnyŋ bärın azamattarǧa belsendı türde tüsındıruge tiıs.
Öz kezegınde, Mäjılıstegı «AMANAT» partiiasy fraksiiasy jetekşısınıŋ orynbasary Pavel Kazansev byltyr partiianyŋ sailaualdy baǧdarlamasyn jüzege asyru boiynşa jol kartasy punktterınıŋ üşten ekısı oryndalǧanyn atap öttı. Mäselen, azamattyq qyzmetşılerdıŋ jekelegen sanattarynyŋ jalaqysy 20%-ǧa östı, medianalyq tabystan kedeilık şegın anyqtau üşın jaŋa esepteu jüiesı engızıldı, Qaraǧandy oblysynda kenşıler men metallurgter üşın jeŋıldıkpen berıletın ipotekanyŋ arnaiy baǧdarlamasy ıske qosyldy, Batys Qazaqstan oblysyndaǧy 70 şalǧai eldı mekenge internet tartyldy jäne t.b.
Mäjılıs Spikerı fraksiia deputattaryna şekara maŋyndaǧy audandardy, saiajai kooperativterın damytu mäselelerı boiynşa zaŋ jobalaryn äzırleu jūmysyn jedeldetudı tapsyrdy. Olar kelesı sessiiada Mäjılıske engızıledı.
Sonymen qatar auyldyq aumaqtardy keşendı damytuǧa, auyldyq jerlerdegı bılım beru, densaulyq saqtau salalaryn jaŋǧyrtuǧa jäne inkliuzivtı ortany qamtamasyz etuge baǧyttalǧan «Baquatty audan» pilottyq jobasynyŋ täjıribesın bırqatar audanda taratu josparlanuda. Sondai-aq deputattar jastar jūmyssyzdyǧy mäselesın şeşu boiynşa jeke joba äzırleuge niettı. Būl – äsırese Jūmysşy mamandyqtary jyly öte özektı.
Jiyn soŋynda Mäjılıs Spikerı öŋırlerge aldaǧy sapar kezınde deputattarǧa jükteletın bırqatar mındettı aiqyndady. Sapar barysynda deputattar öndırıstık jäne äleumettık nysandardy aralap, eŋbek ūjymdarymen kezdesedı. Sondai-aq azamattardyŋ jeke mäselelerı boiynşa qabyldaular ötkızedı. Şalǧaidaǧy eldı mekenderge erekşe nazar audarylady. Halyq qalaulylary jaŋadan qabyldanǧan zaŋdardyŋ ıs jüzınde qalai jūmys ısteitının jäne olardyŋ jergılıktı jerde tūrǧyndar sūranysyna qanşalyqty jauap beretının zertteidı. Sondai-aq deputattar jaŋadan qabyldanǧan zaŋdar turaly aityp, azamattar kötergen maŋyzdy mäselelermen tanysady. Bolaşaqta deputattar sapar barysynda jinalǧan barlyq aqparatty zaŋ şyǧaru jūmysy kezınde paidalanady.
