Şymkentte janarmai satatyn alpauyt kompaniialar dizel tapşylyǧyn qoldan jasaǧan. Bäsekelestıktı qorǧau jäne damytu departamentındegıler būl "qasaqana jasalǧan äreket" dep baǧalady, dep habarlaidy “Adyrna” tılşısı.
KTK arnasynyŋ mälımetınşe, janarmai beketterı dizel otynyna sūranys artqanda är adamǧa tek 50 litrden ǧana satqan. Saldarynan onsyz da tapşy bolǧan dizel müldem qoljetımsız bolypty. Äzırge mūndai jolmen alpauyt kompaniialardyŋ qanşa paida tapqanyn departament ökılderı jariia etpedı. Dese de bır jarym ai boiy şymkenttık jürgızuşılerdı janarmai ızdetıp sandaltqandarǧa auyr jaza közdelmegen. Tapşylyqty qoldan jasaǧandar tek eskertumen qūtylyp ketuı mümkın.
"Sinoil" jäne "Gelios" filialdarynyŋ ekı beketı belgılenıp, sonyŋ ısäreketterınde şekteu belgılerı anyqtalyp, sonyŋ saldarynan habarlama berılgen bolatyn. Kelıskende zaŋbūzuşylyqtarǧa jol bermeuge, jäne aldaǧy uaqytta qaitalamauǧa jäne şekteu jasamauǧa sony resmi türde bızge jauap beruı kerek”, – dedı Şymkent bäsekelestıktı qorǧau jäne damytu departamentınıŋ bölım basşysy Nūrbolat Äliaqbarov.
