Shymkentte janarmaı satatyn alpaýyt kompanııalar dızel tapshylyǵyn qoldan jasaǵan. Básekelestikti qorǵaý jáne damytý departamentindegiler bul "qasaqana jasalǵan áreket" dep baǵalady, dep habarlaıdy “Adyrna” tilshisi.
KTK arnasynyń málimetinshe, janarmaı beketteri dızel otynyna suranys artqanda ár adamǵa tek 50 lıtrden ǵana satqan. Saldarynan onsyz da tapshy bolǵan dızel múldem qoljetimsiz bolypty. Ázirge mundaı jolmen alpaýyt kompanııalardyń qansha paıda tapqanyn departament ókilderi jarııa etpedi. Dese de bir jarym aı boıy shymkenttik júrgizýshilerdi janarmaı izdetip sandaltqandarǵa aýyr jaza kózdelmegen. Tapshylyqty qoldan jasaǵandar tek eskertýmen qutylyp ketýi múmkin.
"Sınoıl" jáne "Gelıos" fılıaldarynyń eki beketi belgilenip, sonyń isáreketterinde shekteý belgileri anyqtalyp, sonyń saldarynan habarlama berilgen bolatyn. Keliskende zańbuzýshylyqtarǵa jol bermeýge, jáne aldaǵy ýaqytta qaıtalamaýǵa jáne shekteý jasamaýǵa sony resmı túrde bizge jaýap berýi kerek”, – dedi Shymkent básekelestikti qorǵaý jáne damytý departamentiniń bólim basshysy Nurbolat Álıaqbarov.
