"Femınıta" qoǵamdyq uıymy ótkizip jatqan "Lesbıan quryltaıda" shý shyqty, dep habarlaıdy “Adyrna” ulttyq portaly Ulysmedıaǵa siltep.
Almatyda “Femınıta” femınıstik uıymy “Lesbıan quryltaı” degen atpen jıyn ótkizgen. Sol sátte Qazaqstan ata-analar odaǵynyń múshesi Baǵıla Baltabaeva men birneshe belsendi kelip is-sharany toqtatpaq bolǵan. Al LGBT-ny nasıhattaǵan ókilder polıııa shaqyryp, ekologııa taqyrybynda dáris ótkizip jatqanyn aıtqan. Al Baǵıla Baltabaeva olardy LGBT-ny nasıhattady dep aıyptaǵan.
Baǵıla Baltabaeva plakatta “Shymkent – trans stolıa”, “Kishi júz – trans júz”, “Snosıte vsem shańyraq” degen sózder jazylǵanyn aıtady. Aqyrynda polıııa Baltabaevany da, polıııany shaqyrýshy belsendilerdi de túsinikteme jazý úshin alyp ketip, keıin bosatqan.
Keıinnen “Femınıta” uıymynyń músheleri Baǵıla Baltabaevanyń ústinen aryz túsirgen.
Eske sala keteıik, osy ýaqytqa deıin "Femınıta" uıymy Almatyda 7-10 qazan kúni "Lesbıan quryltaı" ótkizetinin habarlaǵan edi. Alaıda jaldaǵan jerleri ákimdiktiń qysymynan keıin olarǵa bas tartyp jatqanyn málimdegen.
Ulysmedıa aqparatynsha, jýrnalıst Oraz Álimbekovtiń buǵan deıin lgbtshylar Quryltaı sózin qoldaný arqyly qazaq halqynyń mádenıeti men tarıhyna túkirip otyr, olardyń maqsaty alaýyzdyq týdyrý degen oıyn jetkizgen.
“Ata-babalarymyz úshin Quryltaı ulttyń taǵdyryna qatysty sheshim qabyldanatyn, eldiń bolashaǵy úshin jaýapty ister talqylanatyn, rýhanı jáne memlekettik mańyzdy shara bolǵan. Mundaı jıyndarda ulttyń birligi, eldiń tynyshtyǵy men turaqtylyǵy sóz etilgen. Al mynaý lgbtshylar eldiń qamy, eldiń birligi úshin tirlik etip jatqan joq. Qaıta qazaq qoǵamynda alaýyzdyq týdyrýdy kózdeıdi. Sondyqtan, dál osy Quryltaı sózin kez kelgen maqsattaǵy is-sharalarǵa qoldaný – qazaq halqynyń ulttyq rýhyn, mádenı qundylyqtaryn aıaqasty etý”, - dedi jýrnalıst facebook paraqshasynda.
