Semeılikter qýana-qýana Ahmet Baıtursynuly jaıly fılmniń túsirilimine qatysýda

1021
Adyrna.kz Telegram
Alashordanyń astanasy bolǵan Semeı qalasynda Ult ustazy Ahmet Baıtursynulynyń ómiri men shyǵarmashylyǵyn baıandaıtyn "Sońǵy úkim" atty kórkemfılm túsirilip jatyr. Týyndy qazaq rýhanııatynyń qazynasyn baıytyp, kelesi jyly kórermenderge jol tartpaq, dep habarlaıdy "Adyrna" ulttyq portaly.
Semeı qalasyndaǵy túsirilim tórt kúnge sozylmaq. Fılm týyndygerleri ónimdi jyl sońyna deıin aıaqtap, jaryqqa shyǵarýdy jón kórip otyr.  Kınobaıannyń tutas sıýjeti Ahmet Baıtursynulynyń ómiriniń barlyq kezeńin qamtıdy. Túsirilim tobyna Erlan Nurmuhambetov pen Ergen Toqmýrzın jetekshilik etedi.
Jetekshilerdiń aıtýynsha, kınotýyndy Ahmet Baıtursynulynyń abaqtyda ótken azapty jyldaryna qaramastan qaısarlyq tanytýyn, ińkár mahabbaty men ǵylym-bilimdegi eren eńbegin, taǵdyr jeliniń ótinde ótken aýyr da ónegeli ómirin sýretteıdi. Basty rólde - Azamat Satybaldy, jary Badrısafanyń rólinde - Darıa Aleksandrova oınaıdy.
Kınotýyndynyń alǵashqy kezeńi 2021 jyly túsirildi. Negizgi túsirilim ótken meken – Almaty qalasy jáne Shyǵys Qazaqstan oblysy. Qoıýshy operator – Mars Omarov. Bas prodıýser – Dastan Atyǵaev. Senarıı avtory – Ǵalym Dosken.
Aıta keterligi, Semeılikter Ahań jaıly kınokartınanyń túsiriletinin estip, kópshilik kórinistegi kadrlarǵa túsýge qýana-qýana kelisken.
"Adyrna" ulttyq portaly
Pikirler
Uqsas jańalyqtar