1905 jyldyŋ jeltoqsan aiynda Oral qalasynda qazaq halqynyŋ bes oblysynan kelgen delegattardyŋ sezı öttı, dep habarlaidy "Adyrna" tılşısı.
120 jyl būryn ötken jiyn qazaq qoǧamynyŋ saiasi tarihyndaǧy maŋyzdy oqiǧalardyŋ bırı retınde baǧalanady.
Atalǧan jiynda «Qazaq konstitusiialyq-demokratiialyq partiiasyn» qūru turaly jariialanyp, būl ūiym keiınnen ūlttyq-azattyq baǧyttaǧy «Alaş» partiiasynyŋ qalyptasuyna negız boldy.
Qazaqstannyŋ bes oblysynyŋ ökılderı qatysqan sezde qazaq halqynyŋ saiasi qūqyqtary, jer mäselesı, ūlttyq müddenı qorǧau jäne basqaru jüiesıne qatysu syndy özektı taqyryptar köterılgen.
Älihan Bökeihan, Janşa Seidalin, Mırjaqyp Dulatov, Baqytjan Qarataev, Barlybek Syrtanov syndy tūlǧalar qatysqan.
Jiynda «Qazaq konstitusiialyq-demokratiialyq partiiasyn» qūru mäselesı qaralyp, jyl soŋynda Oraldaǧy qūryltaida qabyldanǧan partiia baǧdarlamasyn zaŋger Baqytjan Qarataev daiyndaǧan.
Tarihşylardyŋ pıkırınşe, būl sezd keiınnen qalyptasqan Alaş qozǧalysynyŋ ideialyq jäne saiasi negızın qalady.
