Mektep túlekterine qatysty erejelerge ózgeris engizildi

3353
Adyrna.kz Telegram
Foto: tolqyn.kz
Foto: tolqyn.kz

Oqýshylardyń oqý jetistikterin baǵalaý erejelerine ózgerister engizý týraly buıryqqa qol qoıyldy. Bul týraly bilim jáne ǵylym mınıstri Ashat Aımaǵambetov Facebook-te jazdy, - dep habarlaıdy “Adyrna” ulttyq portaly. 

Buıryqta "Altyn belgi" tósbelgisin alý talaptary aıtarlyqtaı kúsheıtilgen.

Aımaǵambetov talaptardy kúsheıtý týraly sheshim muǵalimderdiń 2021 jylǵy tamyz keńesinde qabyldanǵanyn eske saldy.

"Osylaısha, kelesi jyldan bastap 9-synypty aıaqtap, arnaıy attestat jáne 10-11 synyptardyń barlyq oqý toqsany boıynsha "úzdik" degen baǵa alǵan oqýshylar "Altyn belgi" tósbelgisine úmitker bola alady.

Sondaı-aq, talapkerler NZM bazasynda matematıkadan emtıhan tapsyrýy kerek. Bul shara akademııalyq adaldyqty qamtamasyz etý úshin qabyldanǵanyn túsiný mańyzdy. Bul rette NZM-de emtıhan tapsyratyndarǵa da, jalpy bilim beretin mektep bazasynda tapsyratyndarǵa da tapsyrmalar birdeı bolady", - dep jazdy mınıstr.

Byltyr "Altyn belgi" alǵandar sany rekordtyq kórsetkishke jetken edi. Ashat Aımaǵambetov olardyń keıbirinde UBT nátıjesi tómen bolǵanyn jazdy.

"Osyǵan baılanysty úmitkerlerdi úzdik belgisine obektıvti jáne ashyq baǵalaý úshin emtıhandardyń biri táýelsiz bilim berý uıymynda ótedi.

Bıyl mektep bitirýshiler emtıhandy óz mektebinde tapsyrady. Sondaı-aq belgiden bas tartý týraly ótinishter jaramsyz. Talaptarǵa saı keletin úmitkerler belgilengen tártipte qorytyndy attestaııadan ótedi", - dedi ol.

Normalar kelesi jyldan bastap kúshine enedi, alaıda bıyl UBT qorytyndysy boıynsha bul belgini berýdiń obektıvtiligi baǵalanady.

UBT-2022: jańa erejeler qandaı?

Osyǵan baılanysty mektep ákimshiligi, bilim basqarmalary men bólimderi qorytyndy emtıhandarynyń ashyqtyǵy men obektıvtiligin qamtamasyz etýi tıis ekeni aıtyldy. Árbir jaǵdaı boıynsha UBT nátıjeleriniń qorytyndylaryna taldaý júrgiziledi.

Buıryqtyń mátini QR Ádilet mınıstrliginde tirkelgennen keıin jarııalanady.

Adyrna” ulttyq portaly

Pikirler