Bılım salasyn sifrlandyru akademiialyq adaldyqqa äser etpeuı tiıs. Būl jönınde Aqtauda ötken «Nazarbaev Ziiatkerlık mektepterı» derbes bılım beru ūiymynyŋ dästürlı tamyz keŋesınde Basqarma töraǧasy Änuar Janǧozin aitty.
Keiıngı jyldary jasandy intellektı bılım salasynda qoldanu keŋ etek alǧan. Sondyqtan plagiat, avtorlyq qūqyq, önertabysty qorǧau men jas ūrpaqtyŋ kreativtı oilau daǧdylaryn damytu syndy mäseleler tuyndap otyr. Alaida oquşylardy sifrlyq igılıktı akademiialyq adaldyq qaǧidalaryn eskere otyryp paidalanuǧa üiretu maŋyzdy. «Jaŋa tehnologiialar zamanyndaǧy akademiialyq adaldyq» taqyrybyndaǧy auqymdy konferensiia osy maqsatta ūiymdastyryldy.
Pedagogter üşın maŋyzdy jiynǧa Maŋǧystau oblysy äkımınıŋ orynbasary Zvira Esbergenova, Bılım berudı tūraqty damytu qorynyŋ direktory Daniiar Toqtarbaev, Akademiialyq adaldyq ligasynyŋ Jobalyq keŋsesınıŋ basşysy Nūrgül Mahanbaeva, Astana IT universitetınıŋ Üzdıksız bılım beru sandyq institutynyŋ direktory Ermek Älımjanovtar töbe körsettı. Sondai-aq şaraǧa barlyq öŋırlerdegı Ziiatkerlık mektepterdıŋ 100-ge juyq pedagogı qatysyp, 3500 mūǧalım qaşyqtan tyŋdady.
Tamyz konferensiiasy – bılım berudegı özektı mäselelerdı talqylau üşın Nazarbaev Ziiatkerlık mektepterınıŋ barlyq mūǧalımderın bırıktıretın dästürlı alaŋ. Pedagogter qauymy üşın maŋyzdy jiynnyŋ alǧysözınde NIS Basqarma töraǧasy Änuar Janǧozin elımızdegı bılım sapasyn damytuda Ziiatkerlık mektepterdıŋ ülesın söz etıp, bırqatar äleumettık jobalardyŋ ıske asyrylu barysyn baiandady. Sondai-aq Prezident tapsyrmasy aiasynda qolǧa alynǧan kadrlyq rezervtı qalyptastyru baǧytyndaǧy «Bılım beru özgerısterınıŋ 1000 köşbasşysy» jobasynyŋ nätijelerımen bölıstı.
«Bügınge deiın osy joba aiasynda 438 pedagog bılıktılıgın arttyryp, olardyŋ 150-ı mektep direktory lauazymyna taǧaiyndaldy. Bügınde taǧy 159 mektep direktory orynbasarlary oqu kurstarynan ötıp jatyr. Sonymen bırge biyl bız Maŋǧystau oblysynda tırek mektepter jelısın qalyptastyrudy közdeitın «Otpan» jobasyn jüzege asyra bastadyq. Būl joba arqyly 45 mektepke arnaiy ädıstemelık qoldau körsetıp otyrmyz. «Amanat» partiiasymen bırlesıp ıske asyrylyp jatqan «Baqquatty aimaq» jobasyn jaqynda ǧana bastadyq. Būl da bızdıŋ täjıribenı taratudaǧy jūmysymyzda erekşe oryn alatyn joba», – dep atap öttı ol.
Ziiatkerlık mektepter jäi ǧana oqu oşaǧy emes, bılım salasyna monitoring jürgızıp, elımızdıŋ orta mektepterıne ädıstemelık qoldau körsete alatyn ūiym retınde qalyptasty. Būl jönınde Bılım berudı tūraqty damytu qorynyŋ direktory Daniiar Toqtarbaev jiyn barysynda atap ötıp, NIS jüiesınıŋ orta mektepterdıŋ damuyna qosyp otyrǧan paidasyna erekşe ekpın berdı. Sondai-aq bılım ūiasymen bırlese atqarylyp jatqan «Auyldyq jerlerde tırek mektepterdıŋ äleuetın damytu» äleumettık jobasynyŋ maŋyzyna toqtaldy.
Plenarlyq otyrystar aiasynda ūiymǧa qarasty Bılım beru baǧdarlamalary ortalyǧy direktorynyŋ orynbasary Galiia Aljanova «NIS-Programme» bılım beru baǧdarlamasyn aiasynda akademiialyq adaldyqty igeru qaǧidalary jaiynda egjei-tegjeilı aqparat berdı. Mūnan bölek, älemde akamediialyq adaldyq prinsipterınıŋ qalai saqtalatyny jaiynda saraptamalyq materialdarymen bölısken Basqaruşy direktor Daniiar Temırtasov şäkırtterdı jastaiynan avtorlyq qūqyqty saqtauǧa üiretudıŋ memlekettık deŋgeide maŋyzyna toqtaldy. Bılım berudegı sifrlandyrudyŋ tiımdı tūstarynyŋ bırı – BeyimTech önımderı de tanystyryldy.
Aita keteiık, konferensiia barysynda Nazarbaev Ziiatkerlık mektepterınıŋ mamandary bılım sapasyn damytuǧa qosqan ülesı üşın Oqu-aǧartu ministrlıgınıŋ «Eŋbek ardagerı», «Bılım beru ısınıŋ qūrmettı qyzmetkerı» tösbelgısımen marapattaldy. Mūnan bölek, konferensiianyŋ plenarlyq otyrysynda «Tabysty täjıribeler panoramasynyŋ» eŋ üzdık keisterı anyqtaldy.
Bes kün boiy Ziiatkerlık mektepterdıŋ pedagogterı ötken oqu jylynda atqarylǧan jūmystardy saraptap, bılım berudegı sifrlandyru, emtihandar men därıster barysynda akademiialyq adaldyq qaǧidattaryn saqtau mäselelerın qarastyrdy.
