Belgılı aqyn Mūhamedjan Tazabek Aleks Leslidıŋ atyşuly treningın toqtatu üşın bastama köterdı. Būl turaly ol Instagram paraqşasyna jazdy, dep habarlaidy, “Adyrna” ūlttyq portaly.
"Menıŋ qolyma kamera alǧyzyp, menı uaiymdatyp tūrǧan jaǧdai bar. Ol - 19 qaraşa künı Almaty qalasyna arnaiy kele jatqan körşı eldıŋ bülıkşı blogerı jaiynda. Aleks Lesli degen adam Almatyǧa kelıp, Qazaq qyzdaryn jauapsyz tösek qarym-qatynasyna üiretu üşın, qazaq qyzdarynyŋ ar-ūiatyn qalai oŋai taptauǧa bolatynynyŋ bükıl ülgısın körsetu üşın kele jatyr eken. "Jaman üidı qonaǧy bileidı" ǧana emes, osy elge kelıp bülık salyp, bızdıŋ eŋ qymbatty bolǧan qyzdarymyzdyŋ ar-ūiatyn aiaqqa taptatuǧa kele jatqan adamǧa barynşa qarsy tūryp, onyŋ jolyn kesuımız kerek. Jıgıtterımızdıŋ ar-ūiaty, aibyny azaiǧan saiyn osyndai basynuşylar köbeiıp ketedı. Ärqaisyŋyz töŋıregıŋızge dausyŋyz ben sözıŋız jetkenşe būl närseden saqtandyruǧa şaqyramyn", - dedı aqyn.
Sondai-aq, ol deputattarǧa jazyp, mälımdeme jasau keregın de aitty.
"Qyzyŋdy qorlaimyn dese ünımız şyqpaidy, qatynyŋdy zorlaimyn dese dymymyz şyqpaidy... Jattyŋ jaulauy men bötennıŋ būzyqşylyǧyna mäu demeimız... Qaidasyŋ komenttıŋ komandirlerı men dizlaiktıŋ diviziasynda jürgender?!" - deidı.
Eske salaiyq, Aleks Lesli laqap atymen tanymal Aleksandr Kurillov 19-27 qaraşa aralyǧynda Almaty qalasynda qyzdardy arbau tehnikasy boiynşa trening ötkızetının mälımdegen. Būl halyq arasynda köp dau tuǧyzǧan edı.
