Almaty qalasynda Qazaqstannyń kólik aptalyǵy sheńberinde «NEW SILK WAY» V Halyqaralyq kólik-logıstıkalyq bıznes forýmy ótti, dep habarlaıdy "Adyrna" tilshisi.
Sharanyń ótýine «KAZLOGISTICS» Qazaqstan kólik qyzmetkerleriniń odaǵy, QR Indýstrııa jáne ınfraqurylymdyq damý mınıstrligi, «Qazaqstan temirjoly» UQ» AQ muryndyq boldy.
«The Ritz-Carlton Almaty» qonaqúıinde ótken forýmda kólik salasyndaǵy jańa múmkindikter, halyqaralyq avtomobıl tasymaldary, teńiz jáne temirjol logıstıkasy, azamattyq avıaııany damytý jáne salada kadrlar daıarlaý máseleleri talqylanady. Jıynǵa TMD, shetel mınıstrleri, vıe-mınıstrler, bıznes qoǵamdastyqtyń, memlekettik jáne jeke kompanııalardyń ókilderi qatysty.
Alqaly basqosýda alǵashqy bolyp sóz alǵan Almaty qalasy ákiminiń orynbasary Álisher Ábdiqadyrov jıynǵa qatysýshylardyń jumysyna sáttilik tilep, kólik qatynasy men joldardy jaqsartý baǵytynda ońtústik astanada atqarylyp jatqan jumystarǵa toqtalyp ótti.
Ol óz sózinde Úlken Almaty aınalma joly men úshinshi temirjol beketiniń ashylýymen qaladaǵy keptelis máselesi sheshilip, jolaýshylar men júk tasymaly áldeqaıda jaqsara túsetinin tilge tıek etti. Osydan keıin minberge kóterilgen QR Indýstrııa jáne ınfraqurylymdyq damý vıe-mınıstri Almaz Ydyrysov jahandaný zamanynda elder men memleketter arasyndaǵy qarym-qatynas pen barys-kelistiń mańyzdylyǵyna toqtalyp, forým barysynda barlyq qatysýshylarǵa tıimdi kelisimsharttar jasalatynyna senim bildirdi. «Qazaqstan temirjoly» UQ» akıonerlik qoǵamynyń basqarýshy dırektory Erlan Qoıshybaev bolsa elimizdegi eń iri jolaýshy jáne júk tasymaldaýshy qurylymnyń búgini men bolashaqtaǵy múmkindikteri jaıly habarlama jasady.
Kún tártibindegi «Transport jáne logıstıka – jańa múmkindikter» taqyryby boıynsha sóz sóılegen Reseı Federaııasy Kólik mınıstriniń orynbasary D.Zverev, Túrkııa Kólik jáne ınfraqurylym mınıstriniń orynbasary Omer Ftıh, Belarýs respýblıkasynyń Kólik jáne kommýnıkaııa mınıstriniń orynbasary S.Dýbın, jıynǵa onlaın qatysqan Iran Joldar men qalaqurylysy mınıstriniń orynbasary Shahrııar Efendızade, Túrkimenstan mınıstrler kabıneti janyndaǵy Kólik jáne kommýnıkaııa agenttigi tóraǵasynyń orynbasary Aqmurad Hodjabaev, Evrazııadaǵy IRU turaqty ókildiginiń basshysy Vadım Zaharenko, «Traseka» memleketaralyq komıssııasynyń bas hatshysy Áset Asavbav, BCG kompanııasynyń atqarýshy dırektory Grıgorıı Rýbınder búgingi kezeńniń erekshelikterine toqtala kelip, memleketaralyq jáne halyqaralyq tasymaldy jeńildetý, osy baǵytta birlese jumys jasaýdyń mańyzdylyǵy jaıly aıtty.
Osydan keıin jeke salalar boıynsha paneldik sessııalar ótkizildi. Bul oraıda «Qalyptasqan jaǵdaıda kólik-logıstıka tasymalyn damytý», «Halyqaralyq kólik tasymaly: jańa múmkindikter kókjıeginde áriptestikti nyǵaıtý», «Muhıt logıstıkasy – taýar aınalymynyń kóshbasshysy», «Temirjol logıstıkasy», «Azamattyq avıaııany damytý baǵyty», «Jańa Qazaqstan jaǵdaıynda kólik pen logıstıkany damytýdaǵy bilim men ǵylymnyń róli» taqyryptarynda baıandamalar jasalyp, qatysýshylardyń talqylaýyna usynyldy.
Kelesi kúni «Atakent» iskerlik baılanys ortalyǵynyń 11-shi pavılonynda «Qazaqstandaǵy qoımalyq logıstıka naryǵy», «Jańa jaǵdaıdaǵy logıstıka», «Kólik jáne logıstıkalyq naryq» taqyrybynda baıandamalar tyńdalyp, Kólik jáne logıstıka salasyndaǵy kadrlardy daıarlaý ortalyqtarynyń tusaýkeser rásimi bolyp ótti. Osy jerde túrli memleketter daıyndap ákelgen kórmelerdi tamashalap, ózara tájirıbe almasyp, ekijaqty tıimdi áriptestik jóninde memorandýmdarǵa qol qoıyldy. Reseı men Ýkraına arasyndaǵy soǵys, osyǵan baılanysty Reseıge salynǵan sankııalar jyldar boıy qalyptasqan ekonomıkalyq baılanystardy buzyp, irgeles elderge kesirin tıgizip jatqany jasyryn emes. Alaıda Qazaqstan qıyndyqty óz paıdasyna aınaldyryp, Eýropa men Azııa qurlyǵynyń arasynda altyn kópir mindetin atqarýǵa tolyq múmkindigi bar. Bul ózgerister búginderi-aq nátıjesin bere bastaǵandaı.
«Ótken jyldarmen salystyrǵanda Qazaqstan men Latvııa arasyndaǵy júk aınalymynyń kólemi 23 paıyzǵa artty. Kólik aınalymy, negizinen, Qazaqstannan keletin temirjol, tranzıttik júkter, ásirese, kómir esebinen artqan. Sonymen qatar, Latvııadan ótetin ferroqorytpalar da aınalymnyń ósýine áser etti. Biz bıyl taýar aınalymyn taǵy 10%-ǵa ulǵaıtsaq dep oılap otyrmyz. Tasymaldaý jaǵynan ázirge eshqandaı qıyndyq joq, barlyq máseleniń sheshimi bar. Infraqurylymǵa keler bolsaq, ol tranzıttik tasymaldaýǵa qatysty barlyq máselelerge sáıkes keledi», - dedi Latvııa Kólik mınıstriniń orynbasary Ýldıs Reımanıs.
Aıta keteıik, forým Almaty shaharynda eki kúnge jalǵasty. Qatysýshylar Qazaqstan delegaııasymen tasymaldaý, jyldam jáne kedendik qyzmet kórsetý taqyrybyn talqylap, aldaǵy isterge oń baǵyt aldy.
