Jetısu audanyndaǧy jeke üilerdıŋ bırınde 58 jastaǧy QHR-nyŋ azamaty ūstaldy. Ony tıntu kezınde aqböken müiızı salynǧan 50 qorap tabyldy jäne tärkılendı. Būl turaly polisiia departamentı mälımdedı, dep habarlaidy, “Adyrna” ūlttyq portaly.
Er adamnyŋ aituynşa, ol Qyzyl kıtapqa engen elementterdı Almaty oblysynan satyp alyp, emdık maqsatta öz elıne tasymaldaudy josparlaǧan
Aqbökendı zaŋsyz joiu, sondai-aq ony nemese onyŋ derivattaryn, onyŋ ışınde müiızderın alu, saqtau, ötkızu, importtau, kırgızu, jöneltu, tasymaldau derekterı boiynşa qylmystyq ıs qozǧaldy.
"Aqböken müiızderın satu arnasy anyqtaluda", – dedı Almaty qalalyq PD kriminaldyq polisiia basqarmasynyŋ bastyǧy Talant İsaev.
QR QK-nıŋ 201-babyna säikes, özge aqparat tergeu müddesıne orai jariia etılmeidı.
