Memleket basşysy Qasym-Jomart Toqaev ünemı eldıŋ tūrmys-tırşılıgın, äleumettık jaǧdaiyn nazarda ūstaidy. Osy töŋıregınde Ükımetke bır qatar tapsyrmalar beretınıde belgılı. Prezident qarastyrǧan tüiıtkıldı mäselelerdıŋ bırı- jūmyspen qamtu. Toqaev Ükımettıŋ keŋeitılgen qūramdaǧy otyrysy kezınde atalǧan problemany ortaǧa salǧan bolatyn, dep habarlaidy «Adyrna» tılışısı.
«Taǧy bır mäsele – jūmyspen qamtu. Bız «Jūmyspen qamtudyŋ jol kartasyn» qabyldap, oǧan 1 trln teŋge böldık. Būl qarjynyŋ 98,2 paiyzy igerıldı. Baǧdarlama halyqty eŋbekpen qamtyp, ıskerlık belsendılıktı qoldau üşın maŋyzdy röl atqardy. Alaida, ondaǧan jäne jüzdegen myŋ jūmys orny aşylǧany turaly aqparatty teksergende, ol zeinetaqy jäne salyq tölemderıne säikes kele bermeidı, - degen bolatyn Qasym-Jomart Kemelūly .
Būqarany tolǧandyrǧan jūmysqa ornalasu ısı Almaty qalasynda öz retımen jüzege asuda. Almaty qalalyq Jūmyspen qamtu ortalyǧynyŋ direktory Saǧyndyq Kenjebaevtyŋ bergen mälımetıne süiensek, bügıngı künı jūmys beruşıler elektrondy eŋbek birjasyna 4306-dan astam bos jūmys oryndary turaly mälımetterdı ornalastyrǧan. Būl degenımız, şaharda adam eŋbegıne degen sūranystyŋ joǧary ekenınıŋ aiqyn dälelı.
Aimaqtaǧy bos jūmys ornyna ornalasuşy adam sany da artyp keledı. Mäselen, jyl basynan berı 25 221 adam jūmysqa ornalassa, onyŋ 13 343-ı tūraqty, 11 878-ı uaqytşa jūmysqa kırdı.
«Azamattar men jūmys beruşılerge yŋǧaily bolu üşın 2018 jyldan bastap qyzmetterdı elektrondy formatqa köşırudı jüzege asyru bastaldy. Bügıngı künı barlyq qyzmetter onlain türde körsetıledı, būl ötınış beruşını jūmyssyz retınde tırkeu jäne jūmysqa ornalasuǧa järdemdesudıŋ belsendı şaralaryna joldama alu, jūmys beruşı üşın būl bos jūmys oryndaryn jariialau, kadrlardy ırıkteu, belsendı şaralarǧa qatysuǧa ötınış beru», - dedı Saǧyndyq Kenjebaev.Sonymen qatar, ol biyl 3 qazannan bastap 2023 jylǧa arnalǧan subsidiialanatyn jūmys oryndaryna qatysqysy keletın jūmys beruşılerdıŋ ötınışterın qabyldau bastalǧanyn aitty. Qabyldau aidyŋ soŋyna deiın jürgızıledı.
«Jūmys ızdeuşılerdı tartu maqsatynda Jūmyspen qamtu ortalyǧynyŋ qyzmetkerlerı jastar resurstyq ortalyqtarymen bırlesıp, stihiialyq «eŋbek birjalarynda», bazarlarda, halyq köp jinalatyn oryndarda, jūmyspen qamtuǧa järdemdesudıŋ şaralary boiynşa tüsındıru jūmystaryn jürgızdı. Atap aitqanda, «Altyn Orda» ämbebap bazary audanyndaǧy «Barlyq», «Baraholka», «Sary Arqa», Şolohov köşesı boiyndaǧy «Almaty 1» siiaqty bazarlar qamtyldy», - dedı ol.
Ūqsas jaŋalyqtar
