Memleket basşysy Qasym-Jomart Toqaev Almaty qalasy jūrtşylyǧymen kezdesuı barysynda jastar üşın eŋ özektı mäsele baspana ekenıne basa audardy, dep habarlaidy «Adyrna» tılşısı.
«Almaty tūrǧyndarynyŋ köpşılıgı, äsırese, jastar üşın baspana – eŋ özektı mäsele. Qalada päterdıŋ baǧasy tym joǧary. Ärine, eŋbek jolyn endı ǧana bastaǧan jastar bırden päter satyp ala almaityny tüsınıktı. Bıraq, solai eken dep eş qareketsız qol qusyryp otyruǧa bolmaidy. Jastardyŋ baspana aluyna jan-jaqty jaǧdai jasau kerek. Būl – memlekettıŋ basty mındetınıŋ bırı. Äkımdık jalǧa berıletın tūrǧyn-üi salu üşın investorlarǧa tartymdy bolatyn tiımdı täsılder oilastyruǧa tiıs. Bıraq jaldamaly üiler tym qymbatqa tüspeuı kerek. Ondai päterler, eŋ aldymen, qoljetımdı boluǧa tiıs. Jalpy, Almaty jastary üşın baspanaly bolu qol jetpes arman bolmauy kerek. Basynda baspanasy bar jastardyŋ erteŋgı künge degen senımı artady», - dedı Qasym-Jomart Toqaev.Memleket basşysy qalada tūrǧyn-üi tapşylyǧyn azaitu asa maŋyzdy mındet ekenın aita kele, şahar basşylyǧyna tapsyrma berdı.
«Kelesı jyldan bastap tūrǧyn-üi qūrylysyn jyl saiyn 10 paiyzǧa arttyru qajet. Ärine, Almatyda bos jer az. Būl jaǧdai qūrylystyŋ qarqynyn küşeituge kedergı keltıruı mümkın. Sol sebeptı, jaŋa jerlerdı igeru kerek. Qalada 1500-ge juyq eskı üi bar. Şaǧyn audandarda tūrǧan mūndai üilerge kürdelı jöndeu jürgızgen jön. Al jaŋǧyrtuǧa kelmeitınderın sürıp tastau qajet. Äkımdıkke osy şaruany kezeŋ-kezeŋmen jüzege asyru üşın naqty jospar äzırleudı tapsyramyn. Jaŋǧyrtu jūmystarynyŋ tūrǧyndarǧa qolaisyzdyq tudyrmauyn oilastyru kerek», - dedı ol.Kezdesu kezınde Toqaev eldıŋ narazylyǧyn tudyratyn taǧy bır maŋyzdy mäsele - üilerdıŋ tyǧyz ornalasuyna toqtaldy.
«Osyndai qūrylystar jäne joldardyŋ yŋǧaisyz salynuy köp qolaisyzdyq tudyryp otyr. Almaty zamanaui urbanistika talaptaryna sai boluy kerek. Qalamyz betonnan salynǧan ormanǧa ainalmauǧa tiıs. Sondai-aq, Alataudyŋ samaly qalada erkın esuı qajet. Būl qalanyŋ ekologiiasy üşın öte maŋyzdy. Qala salu kezınde qūrylys kompaniialarynyŋ emes, eŋ aldymen, tūrǧyndardyŋ müddesı eskerıluı kerek. Zaŋdarymyzda būl jaǧdai naqty rettelmegen. Ükımetke äkımdıkpen bırlesıp, osy mäselenı pysyqtap, zaŋǧa tiıstı tüzetuler äzırleudı tapsyramyn»,-dedı Prezident.Mūnyŋ bärı Almatyny meilınşe jaily, qolaily qala retınde odan ärı damytu üşın qajet şaralar. Memleket basşysy, jaily qala boluy üşın «şaharda Botanikalyq baq siiaqty qoǧamdyq oryndar köp boluǧa tiıs», dedı. Aituynşa, keibır audandarda osyndai nysandar müldem joq.
«Qala äkımdıgı osy ahualdy tübegeilı özgertudı közdep otyr. Jūrttyŋ demaluyna arnalǧan bes ortalyq salu josparda bar. Men mūny tolyq qoldaimyn. Bıraq, jūmysty sapaly oryndau qajet», -dep qorytyndylady ol.
Ūqsas jaŋalyqtar
