Almaty oblysy, Raiymbek audany, Qyzylşekara auylyndaǧy mekteptıŋ oquşylary äjetın ötep, därethanaǧa bara almai jür. Aulada ornalasqan därethananyŋ kürkeden eş aiyrmaşylyǧy joq. "Adyrna" aparattyq portalyna oqyrmandardan şaǧym-hat kelıp tüstı. Joldanǧan derekterde Qytaimen şekaralas auyldaǧy mekteptıŋ syn kötermes sipaty söz bolady.
Videoda Qyzylşekara auylyndaǧy mektep nysanaǧa alynǧan. Nätijesınde, mekteptıŋ joǧarǧy qabatyndaǧy därethana tek tekserıs üşın, "esep beru" üşın aşylatyny äşkerelenedı. Qolyna beinekamera ūstaǧan oqyrman üşınşı qabattaǧy därethanaǧa köterılgenşe qyzmetker oquşylar üşın qūlpy būzylmaityn bölmenı äp-cätte aşa qoiady. Avtor kılttıŋ syldyrlaǧan dybysyn estidı.
- Bärı tap-taza. Eşkım qoldanbaidy. Balalardy myna jerge kırgızbeidı. Kım üşın, ne üşın salyndy? Tüsınıksız... Aiǧaq retınde qoqys şelekterın körseteiın. Bärı jarqyrap tūr. Jap-jaŋa. Tekserıs kelgende aşu üşın, jalaŋ esep beru üşın jauyp qoiǧan, - deidı oqyrman.Sonymen qatar, beine-derekte mektep aulasyndaǧy joǧarǧy synyp oquşylaryna arnalǧan därethanalar da körsetıledı. Olardyŋ da tozyǧy jetıp, qūlauǧa şaq qalǧan. Jalpy, Qazaqstannyŋ köptegen eldı-mekenderınde tazalyq bölmelerın jasaqtau, jinaqy ūstau jäne salu mäselesı oqtyn-oqtyn "töbe körsetıp" otyrady. Būdan būryn "Adyrna" ūlttyq portaly Torǧaidaǧy qymbat baǧaǧa salynǧan arzan därethana jaily da jazǧan edı. 2021 jylǧy derekter elımızde 800-den astam mektepte aula därethanasynyŋ syn kötermei tūrǧanyn körsetedı.
"Adyrna" ūlttyq portaly
Ūqsas jaŋalyqtar
qytai
mektep
därethana
orta mektep
qyzylşekara auyly
şekaralas auyl
bılım mekenı
mektep problemalary
Raiymbek audany
