Burynǵy ındýstrııa jáne ınfraqurylymdyq damý vıe-mınıstri Tımýr Toqtabaev qamaýǵa alyndy. Bul týraly Antıkordyń baspasóz qyzmeti málimdedi, dep habarlaıdy “Adyrna” ulttyq portaly.
Sybaılas jemqorlyqqa qarsy qyzmet Bas prokýratýramen birlesip paıdaly qazbalar ken oryndaryn berýdiń zańdylyǵyn tekserý nátıjeleri boıynsha Indýstrııa jáne ınfraqurylymdyq damý mınıstrliginiń laýazymdy tulǵalaryna qatysty sotqa deıingi tergep-tekserýdi bastady.
Vedomstvo ókilderiniń málimetinshe, mınıstrliktiń laýazymdy adamdary jekelegen kásipkerlik sýbektileriniń múddesinde áreket ete otyryp, barlaý syltaýymen aýkıon ótkizbesten paıdaly qatty qazbalar qory belgilengen ken oryndaryn zańsyz bergeni anyqtalǵan. Buryn júrgizilgen barlaý faktisi qujattardy burmalaý arqyly ádeıi jasyrylǵan.
Nátıjesinde, laýazymdy tulǵalarmen úlestes kásipkerler qol qoıý bonýsynyń eń tómengi quny úshin óndirýge daıyn ken oryndaryn aldy. Ken oryndaryn satý boıynsha aýkıondar ótkizilmegendikten, memleket ondaǵan mıllıard teńge almaǵan.
“7 qarashada laýazymdyq ókilettikterin asyra paıdalandy degen kúdik boıynsha burynǵy Indýstrııa jáne ınfraqurylymdyq damý vıe-mınıstri T.Toqtabaev ustaldy. Tergeý sottyń sankııasymen T.Toqtabaevtyń jáne onyń jaqyn týystarynyń (elıtalyq jeke úıler, jer ýchaskeleri, Cadillac Escalade markaly avtokólikteri, Mercedes-Benz Maybach S580 4 Matic, eki BMW X5 Xdrive40I, Bentley Bentayga V8) qymbat jyljymaly jáne jyljymaıtyn múlki anyqtaldy jáne qamaýǵa alyndy”, – delingen habarlamada.
Atalǵan derek boıynsha tergeý jalǵasyp jatyr. Tergeý múddesi úshin ózge aqparat jarııa etilmeıdi.
