Ulytaý oblysy boıynsha sybaılas jemqorlyqqa qarsy qyzmet oblystyq ekologııa departamentiniń basshysyn para alý kezinde ustady, dep habarlaıdy "Adyrna" ulttyq portaly.
Antıkordyń málimetinshe, sheneýnik kásipkerden ekologııa salasynda ruqsat berý qujattaryn alý úshin 2,5 mıllıon teńge kóleminde para alǵan degen kúdikke ilindi.
"8 qańtarda sot sankııasymen ol qamaýǵa alyndy. Tergeý jalǵasýda, basqa tulǵalardyń qatystylyǵy tekserilýde", – delingen habarlamada.
Aıta ketý kerek, buǵan deıin, 2024 jyldyń 26 tamyzynda, osy basshy bıznesti qorǵaý jobasy aıasynda kásipkerlik qyzmetke aralasqany úshin ákimshilik jaýapkershilikke tartylǵan. Sol kezde ol kásipkerge qorshaǵan ortany qorǵaý sharalaryn oryndaý jospary boıynsha toqsan saıyn esep berý týraly zańsyz talap qoıǵan.
