Sybailas jemqorlyqqa qarsy ıs-qimyl agenttıgı qaitarylǧan aktivter esebınen qandai ǧimarattar salynǧanyn aitty, dep habarlaidy «Adyrna» tılşısı.
Resmi derekterge süiensek, 2022 jyldan bastap qazırgı uaqytqa deiın Sybailas jemqorlyqqa qarsy qyzmet memleketke jalpy somasy 1,15 trln teŋgeden astam kölemde mülık aktivterı men qarjyny qaitarudy qamtamasyz etken.
Qaitarylǧan aktivter qataryna biznes-ortalyqtar, äkımşılık ǧimarattar, sauda oryndary, tūrǧyn üiler, päterler, qūrylysy tolyq aiaqtalmaǧan nysandar, jer uchaskelerı, liuks sanatyndaǧy avtokölıkter jäne qarjylyq qarajattar kıredı.
Antikordyŋ mälımetınşe, Almaty qalasynda «Maisat» biznes-ortalyǧy «Geografiia jäne su qauıpsızdıgı instituty» AQ menşıgıne berılgen;
qūny 7,9 mlrd teŋgeden asatyn «KaisarTower» biznes-ortalyǧy Qazaq ūlttyq qyzdar pedagogikalyq universitetınıŋ ielıgıne tapsyrylǧan;
qūny 800 mln teŋgeden asatyn äkımşılık ǧimarat T.Jürgenov atyndaǧy Qazaq ūlttyq öner akademiiasynyŋ balansyna berılgen;
Astanada qūny 5 mlrd teŋgeden asatyn 3 jeke üi Astana qalasy äkımdıgınıŋ mügedektıgı bar balalarǧa arnalǧan «Psihologiialyq-pedagogikalyq tüzetu kabinetı» KMM-ge berılgen.
"Sonymen qatar Bılım infraqūrylymyn qoldau qorynyŋ jūmysy baqylauda tūr, onyŋ arnaiy şotyna 153,3 mlrd teŋge (nemese 329 mln dollar) audarylǧan. Qordyŋ qarajaty esebınen barlyǧy 100 myŋ oquşy oryndyq 89 mekteptıŋ qūrylysy qarjylandyrylǧan. Onyŋ ışınde 61 mektep paidalanuǧa berılgen, al 2025 jyly taǧy 28 jaŋa mektep salynu közdelgen", - delıngen habarlamada.
