Mańǵystaý oblysyndaǵy "Ózen" ken ornynda jumysshy qaza tapty. Bul týraly "ÓzenMunaıServıs" kompanııasynyń baspasóz qyzmeti málimdedi, dep habarlaıdy “Adyrna” ulttyq portaly.
Aqparat boıynsha, oqıǵa 27 qańtarynda túngi aýysymda bolǵan.
"Ózen" ken ornyndaǵy uńǵymalardyń birinde kúrdeli jóndeý kezinde jazataıym oqıǵa bolyp, merdiger kompanııa – "MunaıSpeSnabKompanı" JShS jumysshysy qaza tapty", - dep jazylǵan habarlamada.
Qazirgi kezde komıssııa oqıǵanyń mán-jaıyn jáne sebepterin anyqtap jatyr.
Sondaı-aq, jaǵdaı jumys berýshi kompanııa "MunaıSpeSnabKompanı" JShS men "Ózenmunaıservıs" JShS basshylyǵynyń erekshe baqylaýynda bolady.
Al "MunaıSpeSnabKompanı" JShS qaza bolǵan jumysshynyń otbasyna qajetti materıaldyq kómek kórsetýge daıyn ekenin habarlaǵan.
